اكره عمري للاسف

مرحبا بنات بدون مقدمات والله بتكلم بشي بقلبي
انا كارررررره عمري لاخر حد
من الاخر عمري سبب مشاكلي وسبب توقفي بالحياة
احس كل شي بالحياة راح علي بسبب عمري
يعني مرتين ناس تقدمو لي طلعو اللي تقدمو لي
٢٨ اعمارهم لما عرفو ان عمري ٣٢ انسحب
مع ان شكلي اللي يشوفني يعطيني ٢٥ بالراحه
كثير كثير اشياء فاتتني انجازات
دراسه
اتوظف بشي خاص كل شي راح علي
لما اقدم على وظايف خاصه يصيرون طالبين عمر اصغر
من عمري خاصه اللي مثلي مامعهم خبره ابد
يبون اصغر يبون توهم ٢٤ او ٢٥
انا افكر بيني وبين نفسي دايم كيف طار عمري
كيف كبرت بهالسرعه ليش مانجزت ليش ماسويت شي
اقسم بالله اكثر شي احسده بنات بدايه العشرين للحين
تحصلون اصلا جيل العشرينات الحين خلاص فهم وعرف
تحصلون من تدخل العشرين تشتغل على نفسها
وتاخذ خبرات ولا يوصل ٣٠ عمرها الا هي ماشاء الله
ختمت اشياء راحت علينا مادري كان وقت جيلي
مايساعد ننجز ونتوظف زمان كان كل شي صعب
يعني اتذكر لما كان عمري عشرين ماكان فيه
اماكن يعطون خبرات ماكان فيه وظايف خاصه
بالعكس كان عيب انك تشتغلين والناس ياكلون اهلك
لو تشتغلين بقطاع خاص زي مثلا مول عيادات اشياء كذا
الحين احس كل شي تغير بس وش بعده
والله يابنات اكره عمري بشكل لان
كل ماقابلت بنت او ولد سوا بالنت او بالواقع
وهم بعمري حياتهم نوعين
اما انهم يصيرون متزوجين ومعيلين
لدرجه احس نفسي عجووووووز تصير بعمري معها ٤ عيال
او يصير ولد بعمري ومعاه ولدين
وتفكيرهم كله خلاص منحصر بالعيال والبيت وبس
او بعمري لكن ماشاء الله تكون منصب
يعني تعبت بعمرها تكون وظيفه بمنصب معها خبرات
تعبت بدراستها ووصلت للي تبي
انا العكس تماما
جالسه كذا!!😅
راح عمري ىانا اشوف الناس لدرجه صار فيني هوس الاعمار
اذخل مثلا انستقرام الناس او مشهورات وشماهير
واشوف اعمارهم وصدمة عمري يكون الشكل كبير
يعني اعطيهم اكبر من عمري بالراحه فجاه اتفاجا انهم
ماكملو لسى ٢٧ او اصغر بعد لدرجه احس
اللي بعمري مو همها انستقرام تويتر سناب كل همها
عيالها بيت رجل يعني احس عمر الثلاثين عمر الخمسين للاسف بالنسبه لنا
والله صرت انبسط لما اشوف وحده او واحد اكبر مني
وعايشين نفس وضعي احس اني مو وحيده
اللي كذا لكن ببيئتي انا شبهه وحيده كذا
لدرجه صرت احس البلاء فيني