يابنات بكره بروح افصل كنب للصاله ومغروض اليوم
بس انا اجلتها عشان استشيركم لاني محتاجه مساعدتكم لابعد حد
والمشكله اني في.غربه يعني مافي احد من خواتي جنبي عشان تساعدني
مواصفات الصاله
_سيراميكها لونه بني فاتح معتق وفي في النص زوليه من نفس
السيراميك لونها سكري وفيها ثلاث ابواب واحد مدخل واحد يدخل لجناح غرف النوم واحد يدخل لجناح المطبخ ومجلس الحريم
وعلى اليمين وانتي داخله جدارين واحد طوله 4متر وواحد طوله3.80
مقابلهم جدار فيه باب غرف النوم وباب مجلس الحريم وبينهم مسافه 3متر
وانا احترت هل احط كنب زاويه او مفرق والله العظيم محتاره جدا
واللوان ابغاها اسود جلد القاعده واللي نجلس عليها احمر والمخدات مابينن هذه الالوان مع ابيض طبعا ه
ادري مو مناسب مع الارضيه بس قلت بحط فينيل لان كمان المداخل سيراميكم ابيض الا الصاله شاذ
فايش رايكم بالالوان
على العلم اني مستحيل احط بني او اورنج لانهم في مجلس الرجال والمقلط
السؤال الحين
1_وش الموديل الاحلى مفرق او زاويه واذا حطيت زاويه كم يكون طولها وهل ازيد معاه كنبتين عشان الجدار المقابل لان الصاله بتكون فاضيه معاه فلازم اعبيها
2_ورايكم بالالون ادري قديمه بس خاطري فيها وكمان اذا رحت وش اطلب نوع القماش
لاتنسون الكنب بيكون مودرن
ارجو من كل وحده تدخل تساعدني بقد ماتقدر لاني والل محتاجه مساعدتكم من جد