صباحكم مسائكم عسل وكله خير
حبيت افرجكم ترتيبي وتنظيفي لحمامي الرئيسي هو صغير والمواصير البارزة طبعا مشوهه المنظر
بس انا هالشيء ما وقفني عن تزيين الحمام والاهتمام فيه
واحب اشكر عالم حواء بكل مشرفاته وعضواته لاني استفدت منكم كثيييييير الله يسعدكم ويحفظكم من كل شر
بسم الله نبدأ
ماشاء الله تبارك الرحمن
هذا مدخل الحمام طبعا الزينه اللي على الباب انا عاملتها بيدي وسويتها بدرجات البني والبيج عشان تناسب ديكور البيت
وهذذه المغسله والباب والسله الورديه اللي فوق فيها اغراض زوجي مكينه حلاقه وغيره وبجنبها سله الغسيل والغساله ومغطيه الغساله بدعاسه زايده تبع الطقم حطيتها وحطيت عليها شويه زينه عباره عن كرتونه صغيره فيها ورد مجفف لونه بيج معطر وعلب صغيره لوشن وصابونات جسم وكده للزينه فقط وعلبه المناديل تبع الطقم
..
وهنا المغسله عن قرب مع اغراض الطقم كمان
يتبع لا احد يرد
هنا ستاره الشباك وفوق الغساله هذه قطع كورشيه او ما ادري ايش اسم الشغل بالضبط الموهيم اشتريتها جاهزة الدرزن ب 17 ريال من الخاسكيه بجده وانا سويت ورود من شرايط الستان وغريتها فيها
والستاره جايه مفتوحه انا قفلتها بشرايط وابره وخيط حسيتها احلى كده
وهنا فوق الكرسي وانتم بكرامه كمان سويتله تزيين بسيط الشتله صناعي من هوم بلازا وتحتها قطعه القماش نفسها اللي معلقتهم ومناشف اللي على شكل كيكات الحبه ب 5 ريال من عماره الحبيب في البلد الدور الثاني
وهنا ستاره البانيو ومناشف تبع الطقم كمان
وا هالسله البلاستيك اخذتها قبل سنتين من محلات التخفيضات زي ابو ريالين وغيرها ب 18 ريال والسلات من عالم التوفير بجده الحبه ب 5 ريال وانا اضفت عليها شرايط وفيونكات ودانتيل
وعندكم صورة كل رف والاغراض اللي فيه
بالنسبه للطقم من سوق محمود سعيد بجده ب 300 ريال تقريبا
وبكذا اكون خلصت جولتي في حمامي الصغير يارب يعجبكم ذوقي وتنسيقي :pinklove::pinklove: