امس راحت امي لجيرانا وسويت لها بسبوسه بصراحه انا ما احب الحلى واول مره اخلص الصينيه بصراحه اتمنى تجربوها والله خيــــــــــــــــال
المقادير:
فنجال زيت
ثلاث ارباع كوب سكر
كوب سميد
فنجال جوز هند .......حسب الرغبه
3بيضات
نص ملعقه بيكنج بودر
فانيليا
قطره خل بس عشان ريحه البيض ......مهم
علبه قشطه الوسط
الطريقه:
اخليطي المقادير مع بعض بالملعقه حتى تتجانس وصبي نص الكميه في صينيه تيفال او بايركس انا اخذت البايركس ودخليها الفرن من تحت بس لين تتماسك وطلعيها وصبي الحشوه
مقادير الحشوه:
كوب ونص ماء
4ملاعق نشاء
فنجال سكر
2ملعقه جبن سائل <الكاسات>
في قدر وعلى النار حتى تثقل وتصير زي الكاسترد طفي النار ثم حطي الجبن وحركيها حتى تتجانس وصبيها على البسبوسه وبعدين صبي باقي الخليط بس اضيفي نص فنجال مويه لان الخليط ثقيل ووزعي بملعقه طعام حتى تتغطى الحشوه بالكامل وحطي على الوجه لوز للزينه ودخليها الفرن من فوق ونص الوقت من تحت على درجه حراره منخفضه واخليكم مع الصور
وبالف عافيه
لا تنسوني من دعواتكم