اكشخ ولا ماكشخ

السلام عليكم ورحمة الله وبركاته
اليوم قررت اني اطرح لكم مشكلتي لعلي اجد نصح يفيدني ويخرجني من حيرتي

مشكلتي باختصار شديد
قبل خمس سنوات كان زواج اختي وكشخت مررررررره وكنت حديث الكل لكن بعدها ماشفت العافيه
جاني مس بسبب حسد حتى انه اعقمني لانه سكن في رحمي ظليت اتعالج شهور من شيخ لشيخ
ومايحتاج اقولكم الرعب اللي عشته وشفته يكفي ان نص شعري شاب من اللي شفته لكن الحمدلله خرج
وحملت بفضل الله
والحين في العطلغ زواج اخوي يعني اهل المعرس ولازم اكشخ لكن اذا تذكرت مرضي اهون واقول مولازم الكشخه مشي حالك
واذا تذكرت انه اخوي اقول لازم الكشخه
بصراحه انا محتاره ومن شدة حيرتي شريت فستانين واحد كشخه ورزه والثاني وسط
حتى التسريحه والمكياج احيانا اقول اروح لاحسن مشغل واحيانا اقول اصلح مكياجي بنفسي ولاتظنون اني ماقول اذكاري عمري مانسيتها لكن امر الله وصار
اخوي اللي بيتزوج يقول تكفين لاتحضرين زواجي وانا عاذرك بس مشكلتي اهتم بكلام الناس اشراح تقول عني
انصحوني اخواتي والله يحفظكم من كل شر ولاتشوفون اللي شفته