اهلين كروشااااات كيفكم ..؟؟
ندخل بالموضوع دغري لان ماحب المقدمات <<<<كل هذا ماتحب المقدمات
ــــــــــــــــــــــــــــــــــــــــــــــــــــــــــ
اول شي انا كان عندي موعد بمدينه الملك فهد الطبيه يوم الاثنين 26-5-1431 وكنت على حسابي اني باقي لي على نهايه التاسع 4 ايام ..
رحت الموعد وانا مره تعبانه وادعي ربي انهم يولدوني.,,دخلت على دكتورعصام المهم قلت له ان الطفل مايتحرك وهو فعلا مايتحرك صار له 3 ايام مايتحرك الا حركه بسيطه وقالي يالله تخطيط ...دخلت غرفه التخطيط وكانت كل شوي السستر تجي تقلب فيني يمين ويسار..,, المهم بعد نص ساعه نادوا دكتورخورشيد وشاف التخطيط وقالي لازم تنويم تحت الملاحظه ..
والصدمه يوم قلتله ابيك تولدني قالي لا انتي توك الحين لك 37 اسبوع يعني بدايه ثاني اسبوع من التاسع:o ..و قلت خلاص مو مشكله تنويم تنويم ..رحت كملت اوراقي..انا وامي الله يطولي عمرها...وصعدوني فوق ..دخلت غرفتي وكان فيها سريرين..جلست شوي وجوني ممرضتين وسولي التحاليل وزحمه...وحطوا لي التخطيط وعدا يوم الاثنين وهم كل شوي جايني يسئلوني ( بيبي تحرك ولا لا )
ويوم الثلاثا الصباح الساعه تقريبا6 صحيت على الم بسيط واشوف التخطيط الا فيه طلق استغربت ..المهم الساعه 8ونص دخل علي دكتور خورشيد ومعاه دكتورتين
وشاف التخطيط وسالني اذا الطفل يتحرك او لا قلت لا مايتحرك ..قالي خلاص لازم نولدك :icon28:لان مبين على التخطيط معك طلق خفيف ونبض الطفل مو ضابط وراح ونعطيك طلق صناعي لان مايصلح تجلسين كذا قالي بنشوف اذا الرحم مفتوح او لا وطلع هو وكشفت علي الدكتوره:( وقالت لي ان الرحم مسكر ..رجع دكتورخورشيد مره ثانيه وقالي ان الرحم عندك مسكر بس عنق الرحم عندك لين ومستعد للولاده ..سالته متى بينزلوني للطلق قالي متى مافضى سرير ننزلك تحت ..وسالته ان كم اجلس بعد التحميله واولد قالي احتمال تجلسين 12 ساعه ويبين مفعول التحميله لان الرحم مسكر واحتمال تحتاجين تحميله ثانيه.... وقالي لازم تنزلين للسوناااارتسوين سونار قبل الولاده...
نزلوني الساعه 10 ونص للسونار وسويته وجلست ساااااااعه وهي تسويه لي وطلع عندي موية الراس قليله..,,:44:
طلع الدكتورواناحاولت انام قلت وراي ولاده ولازم اريح شوي..نمت ساعتين وصحيت..
يوم صارت الساعه 6 المغرب بدت الزياره وجتني امي وزوجي وخلصت الزياره الساعه 9 وطلعوا ..طبعاكل هالمده كل مافتحوا باب الغرفه اتخرع احسبهم جاين ياخذوني تحت لغرفه الطلق ...:icon33:
الساعه 10 ونص جتني السستر وهي شايله ملابس الولاده وقالت لي يلامدام تجهزي بحطلك تخطيط مدته نص ساعه وانزلك تحت ..المهم غيرت ملابسي وحطت لي التخطيط ..بعدماخلصت نزلوني تحت ودخلوني غرفه الطلق كبيره شوي وفيها 4 سراير وحمام ودولاب انسدحت على سريرري وركبولي التخطيط ..كان نبضالجنين يرتفع مررررررررررره ومرات ينزل مررررررررره
المهم سالتهم متى تحطو لي الطلق قالوا لي الساعه 7الصبح
جلست اقرا من كتاب الافاده فيما جاء في ورد الولاده ..ونمت بعدها وصحيت الساعه 5 ونص الفجر وجلست اقرا وادعي وامشي بالممر شوي
والساعه 7 جت الدكتوره وحطت لي التحميليه وقالت لي بعد ساعتين تمشين وعلى 9 قمت امشي ..
وبدا الطلق معي الساعه 10 بس خفيف ومحتمل وصرت امشي بالممر
والساعه 12 الظهرصار الم مو طبيعي ماقدر امشي منه وظليت اوووون وادعي ..واللي معي بالغرفه كلهم يطلقون ويونون ...والساعه 4العصرطلبت مسكن واصيح يوم كشفت علي لقته قاتح بس 2 وانا اصيح واقول يارب متى اخلص ..وكل شوي السسترات مايقصرون يجووووون عندي وتسمي علي وتمسح على ظهري بوقت الطلق
وعطتني مسكن وصرت اغفى شوي واصحى والساعه 6 بدت الزياره وجتني امي اللي يخليها لي وجلست تقرا علي ...الالم كل شوي يزيد ويجون يكشفون ويلقونه 2 ماتغير
وكان زوجي كل شوي يدقعلي يقولي ماولدتي اقوله باقي شوي شوي....:icon33:
خلصت الزياره وقالت لي امي انها بتجلس برا الين يودوني غرفه الولاده وانتظرت مسكينه الى 12 وبعدها كلمتها قلت لها روحي البيت انا مطوله اذا دخلت غرفه الولاده دقيت عليك تجين...طبعا انا هذا وضعي ماتغير الطلق يزيد والرحم مو راضي يفتح زياده ..
قلت للسستر بروح الحمام ..وقالت لي لحظه اكشف عليك قبل لاتروحين وكشفت قالت 2 ونص الحمدالله بدا يفتح ...المهم رحت الحمام وانا توني طالعه حسيت بدوخه واغمى علي ..وشالوني وحطوني على السرير وطلع عندي السكر والضغط نازل مره ..وانا معي انيميا حاده كان دمي واصل 8 من دخلت للمستشفى يعني اجتمعوا علي كلهم ..,,
المهم حاولوا يصحوني وجتني وحده جزاها الله خير..مرافقه مع وحده معي بالغرفه وجلست معي وجابت لي تمرتحاول فيني اكل الله يجزاها الجنه ووكلتني فطاير وعصير تقولي انتي مافيك حيل حتى للولاده ..
وجلست اصييييييييييييييييييييييييح من الالم ..ويوم صارت الساعه 4 الفجر جتنا دكتوره وكشفت على الي بالغرفه كلهم ..وكنت انا اخروحده بالكشف وكانت الدكتوره مره معصبه واخلاقها مقفله وتوهم مصحينها من النوم واسم الدكتوره فوزيه ...,,
وكشفت علي وسوت لي تحريض الله ياخذها احس يدها وصلت لمخي ..:icon33:
وقالت ان الدكتور خورشيد قالي لازم اسوي لك كذا انتي لازم تولدين بسرعه ..
بعد ماخلصت قالت يالله روحي غرفه الولاده انتي الحين 3 سم ..جهزت الممرضه اغراضي وحوستي وعلى ماجابت لي كرسي وكلمت غرفه الولاده وكلمت بنك الدم يجهزون لي دم علشان احتمال يجيني نزيف بسبب فقر الدم
وصعدوني غرفةالولاده الساعه 5 ونص الغرفه لحالك فيهاسريرك وسرير الطفل وكرسي هزاز ودولاب ..طبعا ماكلمت امي قلت بصير قويه وادخل غرفه الولاده لحالي .....
المهم ركبت لي التخطيط وعطتني الكمام وقالت لي اذا جاك الم اشفطي..
بعدها دخل علي دكتور وجلس على الطاوله وانواااااااااااااااااااع الصررراخ ..اقولهم بمووووت يقولون لي لا****لله مافي موت ..وانا صراخي وصل لاخر غرفه ومن الازعاج الي سويته الدكتور طلع:icon28: ..وجاني دكتورثاني يقول لي مايصلح تصرخين كذا اقوله الا يصللللللللللللح وصرااااااااااااااااااااااخ وحالتي حاله...
شويعطوني مسكن مره ثانيه ....وخلتني انسدح على جهة اليمين الساعه6 انفكت مويه الراس ..وناديت الممرضه تكشف علي لقته مفتوح 5 قالت لي شوي وتولدين ...وانا ادعي ربي يخلصني ..,,دخلت علي الدكتوره بعدها بنص ساعه قالت مفتوح 8 سم ..فكت السريروطلعت حقت الرجول وحطت رجولي ..وجهزت الحوسه والمقصااااااات ولبست الدكتوره ملابسها ..
وانامن قوه الطلق فكيت التخطيط وحذفته على الممرضه
وتقولي اشفطي من الكمام وانا اخذ الكمام واحذفه عليها اقولها مايسوي شي ..,,
طبعا واقفين عندي 3 ممرضات وحده تمسح على راسيوالثانيه واقفه تتفرج علي والثالثه انا جالسه اكفخ فيها ...ههههههههههههههههههه
والدكتوره جالسه عند رجولي كشفت لقته 9 سم وقالت اذا حسيتي بالطلق ادفعي..وكلماتجي الطلقه ادفع وخلت وضيعتي جالسه تقريبا ...ووسعتني وبعدها بــ5دفعات طلع الراس ووقفت الطلقه عليه قامت تصرخ الدكتوره لاتوقفين ادفعي ادفعي طلع نص الراس ....دفيت وطلع ولدي حبيبي على الدنيااااااااااااااااااااا فديته الساعه 7.29 دقيقه الصباح يوم الخميس تاريخ 29-5 1431صاح نص صحيه وسكت بعدها قام يكح اقولهم وش فيه يقولون مافيه شي .
.ضغطت الدكتوره على بطني وطلعت المشيمه ..وجاني نززززززززيف قووووووي مره وخيطتني وبعد الخياط جلست تنظف رحمي بيدها:09: طبعاكنها ولاده ثانيه ..احس روحي طلعت ..
غسلوا لولدي ولفوه وجابوه لي ضميته على صدري ..حاولت ارضعه مارضى ..اخذته السستر جابوا لي فطور (ساندويش +عصير )
واكلت وكاااااااااااااااانت احلى وجبه بحيااااااااااااااااااااااتي ...من الجوووووووع الي فيني ..بعدهااخذتني السستر ودخلتني الحمام وروشتني ولبستني ..بعدها جا دكتورالاطفال يشوف ولدي وقالي انه شارب من موية الراس بس شي بسيط حاولي تكثرين له الرضاعه الطبيعيه بعدها طلعوني فووووووق ...,,,,,,,,
وبشرت زوجي وامي وخالتي ام زوجي.....وووووووووووووووووووبس
ــــــــــــــــــــــــــــــــــــــــــــــــــــــــــــــــــــــــــــــ
والله يرزق كل محرومه يااااااااااااااااااااارب ولايحرمها..,,,
كلي امنيات @kly_amnyat
عضوة جديدة
اكشن ولاااااااااااااااااااااااااااا اااادتي...(قصة ولادتي من الالف الى الياء)
110
11K
يلزم عليك تسجيل الدخول أولًا لكتابة تعليق.
الحمدالله علي سلامتك يارب
ويهون التعب اذ جاء البيبي بخير
الله يجعله من حفظه كتابه الكريم
ويهون التعب اذ جاء البيبي بخير
الله يجعله من حفظه كتابه الكريم
حمدلله على سلامتك
واحلى شي السستر اللي انتي تكفخين فيها
حرااااااااااااااااام عليك
جالسه اتخيل شكلها
هههههههههههههههه
عقبالي بولاده سهله ميسره طبيعيه...
واحلى شي السستر اللي انتي تكفخين فيها
حرااااااااااااااااام عليك
جالسه اتخيل شكلها
هههههههههههههههه
عقبالي بولاده سهله ميسره طبيعيه...
الصفحة الأخيرة
ربي يحفظ المولود ويجعله من عباده الصالحين..