السلام عليكم ورحمة الله تعالي وبركاته
بكتب لكم قصه ولادتي وياريت تسامحوني علي الاخطاء الاملائيه
في يوم12-11كانت مراجعتي مع الدكتوره وكان باقي لي 5ايام واقفل التاسع وانا طبعا ولادتي الاولي قيصري رحت وسوت لي سونار وكان كل شئ طبيعي بس وزن الجنين كان3و500 والدكتوره تقول لي الحجم كبير شوي لو تبين تولدي طبيعي المهم قالت لي قومي افحص لك الرحم كم فتح قاست قالت لي فاتح 2ونص انا صرت ابتسم هههه المهم كانت الساعه 10صباحا قالت اتوقعك علي 4العصر تجيني ومعك طلق وحولت ملفي التنويم المهم طلعت منها شريت لي حلتيه وكمون رحت البيت واكلت وشربت عصير ونمت ساعه صحيت حطيت من الحلتيه علي الفوطه ورحت اتمشيت ساعه وشوي ورجعت وكان المغرب وماجاني طلق او شئ المهم رحت مره ثانيه وقالت ألرحم فتح 4وشوي بس مافي طلق وقالت لي تجيني بكرا الساعه11مساء طلعت منها وكلي امل في الله سبحانه وتعالي اني اولد طبيعي واستخرت انو لو ربي كاتب لي خير في القيصري يعجل لي فيها نمت وصحيت اليوم الثاني اشم في الحلتيه المهم علي الساعه 6 جاني زوجي وقال يلا نتمشئ نزلت الممشي الساعه 6ونص خلصت 9بس بعد خلصت حسيت نفسي خفيفه جدا رحت اخذت حمام دافئ وشربت خلطة العسل والحليب والقرفه وكم كاسه قرفه مفترض اروح للدكتوره علي الساعه11مساء المهم اتصلت الدكتوره علي زوجي وقالت ها جاها وجع قالها لا قالت اجل تعالو الصباح الساعه 8 بعدها تعشيت ورحت اجهز لاسولي الرضاعه علي الساعه وحده ونص جاتني مغصه قويه جدا جلست اكلم البنات في الواتس اب وقالو لي روحي علي طول الطوارئ طبعا مانزلت علي مويات ولا شئ المهم رحت علي طول وكان الطلق كل 3دقائق المهم قاست لي وكان فاتح الرحم 8سم ماشاء الله المهم علي طول تنويم بس الصدمه دكتورتي كانت ماف في اخصائيه مناوبه جات قاست وقالت لي البيبي متبرز قلت لها وش نسوي قالت روحي علي غرفة الولاده وطبعا الوجع زاد وتعبت جدا وصرت اصرخ وقلت دخلوني عمليه قالت مافي عمليه البيبي نازل والرحم فاتح 10قلت الا عمليه دخلو لي زوجي هداني شويه جلس عندي زوجي 10دقائق وجو الامن طلعوه بعدها الحمد لله سويت بوش مرتين وطلع عبودي للدنيا وكانت الساعه 4 وربع صباحا يوم الاثنيين الموافق 14- 11 -2011 وشفته وحمدت الله وشكرته ونظفوني واعطوني الابره للخياطه وجات دكتورتي لحظتها قالت كانت نايمه وجوالها فاصل شحن المهم قالت لي اتصلت في زوجك كلمتيه انك ولدتي قلت لها لا مامعي جوال اتصلت فيه كلمته بعدها بشويه دخلت ام زوجي باركت لي واعطتني اكلم زوجي وبارك لي وامي ياحليلها جالسه برا وكانت بتموت من القلق وجاها هبوط في السكر بس الحمد لله عدت علي خير والحمد لله ولدت طبيعي
بنات كثروو دعوووات والله ربي رووف رحيم
ربي يسهل لكم يااارب
ام ألما الدلوعه @am_alma_aldloaah
محررة برونزية
يلزم عليك تسجيل الدخول أولًا لكتابة تعليق.
ماشاء الله تبارك الله
الحمد لله على السلامه ياحلوه
ومبروك ماجبتي ويتربى بعزكم ان شاء الله ويجعله من عباده الصالحين :)
الحمد لله على السلامه ياحلوه
ومبروك ماجبتي ويتربى بعزكم ان شاء الله ويجعله من عباده الصالحين :)
الصفحة الأخيرة
ويتربى بعزكم عبودي ويجعله الله من عباده الصالحين