حبايبي.........
قريت ردودكم ...وشكرا الف شكر على ما خطت ايديكم ...الف شكر عل كل كلمه كتبتوها ...
فعلا كلامكم صح ميه بالميه ...
الحمد لله رب العالمين اللي رزقني زوج مثل زوجي ....الحمد لله رزقني اطفال يجننون ...الحمد لله اني كتبت هذا الموضوع ...
لاني استفد الكثير والكثير ....
قريت كلامكم وحسيت في كل كلمه وفيه اللي جرحتني كثيييير وفيه اللي بكتني كثير ...وفيه اللي واستني كثير
وانا عارفه ان كلامكم صح وتفكيركم صح ....لان هذا اللي مصبرني 8 سنوات ...والله اني لما تضيق فيني الدنيا اروح ابكي لحالي واقفل على الباب....وافكر في اولادي ....ما يستاهلون اللي افكر فيه....وكمان زوجي يشهد الله انه انسان خلوق انسان ما يستاهل انسان بمعنى الكلمه ...حنون لابعد حد ...يشهد الله ما عمره جرحني ولا اهانني
يشهد الله انه يستاهل كل خير يستاهل وحده احسن مني ....تعوضه في حياته
يا بنات
هو مايعرف شئ عن احساسي هذا
ولمى يبدر مني حاجه غلط او....او احس اني مقصره تجاهه ....قسم بالله اني اروح اعتذر منه واطلب منه يسامحني
لان ماله ذنب....الذنب ذنبي انا المقصره ....انا اللي ما ادري اش فيني ...
يا بنات ...اعصب لمى يدخل البيت ....احاول اجمع لي شغل البيت واذا دخل رحت سويته
شئ داخلي يا بنات ما فهمته ....كثير يجيني نوبات بكاء ....ما احب يمشي بجنبي في السوق او يمسك ايدي
اي كلمه حلوه منه ....ما اتقبلها ولا تسعدني ولا احس فيها....ما احب يقرب من او يحضني ...
القبله يا بنات تسبب لي صداع وغثيان ...
انا مستحمله وساكته .....حبيت افضفض معاكم يا بنات لاني ما اقدر ابوح بهذا الكلام لاي مقرب لي
رحت لشيخ ...ولا كانت روحتي للشيخ عشاني... لا عشان بنتي كانت تعبانه شوي
وقرا علينا الشيخ جميعا ...بنتي جاها حاله نوم ...وزوجي ارتبك وفك زراير ثوبه وصار يرجف ...وانا حسيت بقعشريره في جسدي وخنقه ....وزي الصدى في اذاني ....يمكن خوف من الموقف لان عمري ما رحت لشيخ
اعطاني مويه وزيت ولا حدد اش عندنا بس قال امسح على صدر بنتي وجبينها كل ليله واقراء عليها المعوذات
وانا قال امسحي على صدرك واشربي ملعقه من الزيت على الريق يوميا
مشكورين علىردودكم زادتني صبر وايمان وشكر لله تعالي على نعمه الكثيره
الحمد لله كثيرا واستغفر الله واعوذ بالله من شرانفسنا وسيئات اعمالنا
دمتم في خير
يلزم عليك تسجيل الدخول أولًا لكتابة تعليق.
ندوالمدينه
•
الله يوفقكم يارب ..
الله يشفيكم ويكفيكم كل شر ويوفق بينكم ويجعل زوجك في عينك من اجمل الرجال ويؤلف فيما بينكم
اللهم آآآآآآآآآآمين
اللهم آآآآآآآآآآمين
الصفحة الأخيرة