شوفي حبيبتي ذكرتيني بناس اعرفهم
شوفي حبيبتي انتي طيبه وتبغي الخير لكي
لكن صدقيني انتي تجرحيها لما تكلمها عن زوجها حتى لو كان ماكان هذا زوجها صعب صعب تقولين شي عليه والله اللي اعرفها زيك ومما تتكلم الا من نية طيبه بس صعبه وخاصة في الزوج واختك تفضفض ...وصدقيني اللي اعرفهه صارت تتجنبها اختها
وهي عشان كذا تتجنبك تخاف تسمع شي عن زوجها يضايقها هي اش تسوي يعني

صدقيني انتي ابداي هوني عليها وقوليلها شوفي محاسنه وشوفي صدقيني حتلاقيها تدق عليكي وتسال عنك
.........
ب اللي انتي تسويه سبب كبييييييييييير فانها تتجنبك

اختي وميض انا مع غدا اجمل ووه يا زيني برايهم فكري فيه كويس تفسيرهم لبعد اختك عنك هو نفس الكلام الي كنت بقوله

بس ابي اضيف شي ثاني انتي واضح انك تحبين اختك كثير ومتعلقه فيها ومركزه مشاعرك عليها مع ان المفروض انك بعد ما تزوجتي يكون تركيزك على عايلتك الصغيره يعني اتوقع ما عندك اطفال ولا كان ما شغلتك اختك لهالدرجه او بالاحرى ما وصلت لدرجه انك تفكرين حتى لو فكره عابره انك تموتين نفسك لأنه افرضي مثلا اسوا احتمال اختك بطلت تحبك ولا بترجع العلاقه كويسه ابدا واذا!! ما زال عندك الشي الاهم بحياتك الي هو زوجك وعيالك

وبالنسبه لزوج اختك رغم ان الكلام الي قاله كبير واكيد يزعل بس ولو لا تزعلين منه الشك مرض مهو شي يقدر الواحد يسيطر عليه بسهوله وهو لما قال الكلام هذاك عليك ما قاله بشكل موجه شخصيا لك

والله يوفقك ان شاء الله ويفرج همك :)

الله يكون بعونك أختي والصبر مفتاح الفرج والمصارحه اختي تراها تجيب نتيجة .. والا يمكن انتي توهمين نفسك انها متغيره بعد الرزواج .. وتكون هي نفس اول ..


لك تحياتي وتقديري..

أول شي اعتذري لصديقتج ووضحي لها كيف استوى الموقف
وتأكدي انها مدام تحبك بتسامحك

أما بالنسبه لأختج، أول شي لا تنصحينها بخصوص زوجها إلا لو
هي بنفسها اللي طلبت النصيحه.

هي أكيد عايشه بهم مدام ان زوجها شكاك وانتي ما تعرفين كل اللي
تعانيه وياه....يمكن هي تحاول تنسى همها، ويوم تسمع أي نصيحه
بخصوص مشكلتها، شي طبيعي انها تتهرب من أي حد يذكرها بها
ويمكن يوم تطلع ويا صديقاتها، تنسى همها وأكيد في طلعاتها ما تتكلم
عن مشاكلها.... يعني هالطلعه في المتنفس بالنسبه لها..

ويمكن دفاعها عن زوجها عشانها تحبه أو انها مب حابه تأكد عيوبه
لأهلج عشان أكيد بتزيد المشاكل لو عرف زوجها انها تخبر اهلها
بكل شي تسويه...وتأكدي انج كل ما ذكرتي عيب من عيوب ريلها،
ممكن يكون هذا في صالحه، وضدج انتى عشانها ممكن تحط في
بالها انج ما تبين سعادتها.

وبما انها تشتغل ، اكيد ساعات تتعب وتفضل انها ترتاح وترقد ومستحيل
هي تغصب على عمرها وترقد مثلا عشان تتهرب من اختها اللي تحبها

حاولي تبتدين بدايه يديدة ويا اختج، لا تبتدين تتكلمين عن أي شي يخص
زوجها ولا تنصحينها إلا لو هي طلبت......تأكدي بعدين هي بنفسها بتفضفض
لج

خلي اجتماعج بها وطلعاتكم، عنج انتي وهي وبس...عن ذكرياتكم وعن الاشيا
المشتركه بينكم،

ولا تضايقين بعمرج عشان اختج ابتعدت شوي، هذا شي طبيعي عشان ظروفها
تختلف عن ظروفج

خلي همج انج تستعيدين علاقتج بأختج مب ليش هي ابتعدت... ولا تنسين تستعيدين
علاقتج بصديقتج بعد....

وبدال ما تضيعين وقتج في السهر والصياح والضيق، اقري القرآااااااان تراه يشرح
القلب...............الله يفرج همج

.


ذكرتيني بشي ضيقّ صدري


ماأقدر أقولك إلا ( ترا مو أنتي الوحيده ياوميض!! )

وبالنسبه لزوجها انا معك انه بايخ وسخيف وعقله صغير

بس بالنسبه لاختك .. يمكن هي نفسيتها زفت من زوجها عشان كذا تغيرت !!


الله يعينك .


.