حرام والله احس انها مسكينه في ابووامي يتخلو عن بنتهم وهي مالقت حب وحنان غير بالحرام انتي تعرفي البنت عاطفيه وحساسه خليك بجنبها وقولي لها خلينا نصير زي الاخوات ونتقرب لبعض بس مو تفضحينها وخوفيها من الله بعدين هي صغيره ياربي الطف فيها وخير وش يحسون فيه اهلها اذا سوت بنفسها شي هم اللي بينفضحون ياربي استر عليها واهديها

وعليكم السلام ورحمة الله وبركاته
الله يهديها وينور بصيرتها

ربنا قال (ولا تزر وازرة وزر أخرى) .. إذا انتي حبيبتي شايلة من أمها لأي سبب كان فلا تنقلي هادا الإحساس لبنتها بس لأنها بنتها .... وإذا امها غلطت في شي وسكتو عنه وندمتو عالسكوت فصدقيني يفضل لكل حالة وضعها الخاص وطريقة تعامل خاصة

في بنات كتيييير في وسط أهاليهم اللي مغرقينهم حب وحنان وثقة وبرضو يوزهم الشيطان لطريق الغلط ... لو كل أب وأم طردو عيالهم عشان غلطوا كان صار كل الناس عيال شوارع .... ومو شرط يا قلبي يكون الناس اللي طلعوها من بيتهم طلعوها عشان سبب بطال ... ممكن ما قدروا يتحملوا مسؤوليتها مادياً أو حتى تربوياً ..

انتي قلتي انها أكبر منك بشهور يعني انتو في سن بعض ... وإن ربنا أكرمك بنعمة التعفف عن الغلط والخوف من الله فساعديها انها تصير زيك لكن بعقل ..

انتي منتي راضية تقولي التفاصيل ومن حقك .. لكن ما أعرف هل الغلط اللي بتسويه شات ومكالمات ... ولا تبادل صور ومقابلات لا سمح الله ؟؟

في كل الحالتين .. أتمنى إنك تشيلي هادا الكره ناحيتها من قلبك وتطلبي الأجر من الله في انقاذ اختك المسلمة من الغلط .... وتاني شي قولي لأمك وأبوكي من غير تفاصيل بحيث تخليهم يمنعوها عن الإنترنت والتلفونات لفترة ... وتحاولي في دي الفترة تنشغلي معاها في نشاطات مشتركة ... يعني تاخدو دورات سوا ... تتكلموا مع بعض في كل شي ... تتساعدوا في البيت ... حببي نفسك فيها وحببيها فيكي يا بنتي

سمعتكم ما راح ينقذها لو طلعت من البيت ... حتفضل بنت أختك لو ايش سويتي ... لكن لو قدرتي تغيريها فإنتي حتكسبي أجر كبير وتكسبي أخت جديدة

والله لا يحوجك يا بنتي لأحد

لا هي عالشات بس اذا كلمتها تسمع وتطلع من الثانيه ولا كان صصار ششي ويررووح صوووتي عالفاضي معاها ادعو ان الله يهديها وكلامكم عالعين والراس حبايبي انتم

صراحه مررررررره حزنت عليكي وعليها
طيب انتي ايش رايكـــــــــــ
تحاولي تبعديها عاالنت يعني مو تجين كذا من الباب لطاقه تاخذوا الجهاز منها طبعا لا لانها بتعاند وبتجيب غيرو
حاولي تشغينها معك يعني اول يوم خليها تجلس عليه لو ساعتين بث
والباقي يكون معكي سولفي معها عن اشياء تحبها>>اذ تعرفين اشياءها الي تحبها
او مثلا قولي لها اني قرات روايه وقصتها كذا وحاولي بخيالك وبذكائك تدخلين قصتها مع الروايه وتحكيها لها بدون ماتحس انك تقصدينها
امممممم مثلا اليوم الثاني تكلمي معها عن المكياج واشغلات هذي الي نحبها احنا البنات تسريحات عارفه كيف نسيها النت حاولي تطولي معها بالسوااااااااااااالف بس اهم شي لاتحس بأنك كرهتها
اعتذري منها انك هاوشتيها في البدايه خليها تثق فيكي
وزي كذا كل يوم لاهيها بشي تحبوا هي وكذا
مثلا روحي السوووق معها
اسهروا مع بعض يوم وتفرجوا برنامج او فليم المهم حااااااااااااولي انك تحبيبيها فيكي
شوي شوي اتوقع بتستجيب لك
وداااااااايم اسأأألي عن احوالها يعني مثلا كيفك يالفلانه كيف المدرسه علقيها فيكي عشان تنسى الحرمان الي فيها
بس انك تطردينهااا لالالالالا ومية لا لان لو سوت شي كلكم بتنفضحوا سواء كانت عندكم او لا
انا احس لو انتي سولفتي معهااااا كثير بتفضفض لك
انتي مره فضفضي لها وقولي لها احسك كأأأنك اختي انا احبك اخاف على مصلحتك وانا من زمان اتمنى تعشين عندنا بس بالبدايه بصراحه ماتقبلتك كذا كنت اتهاوش معك بس بعدين حبيتك مررررره احسك كأأأأنك اختي ابيك تكونين اختي ونصارح بعض والكل يضررررررب المثل بصداقتنا واخوتنا >>عاشت الجو ههههههههههههههههههههه
اتمنى تسوين هالشي وبعدين تردين علي لو خاااااااااااااص
وانا مستعده اسمعكي بس بالاول طبقي كلامي وشوفي ايش بيصير
وردي لي