اكلااات جنوووبية شعبية ..

2-) قرصااان بالفرن (احياناً اسويها بقدر تيفال مخصصته للقرصان واحياناً اسويها بالتنورر ) ..


المقادير :




١ ونص كاس دقيق بر
١ كاس دقيق ابيض منخول كلهم
نص ملعقة خميرة فورية( استغني عنها اذا بسويها في التنور)
ثلاث ملاعق حليب بودة
ملعقة كبيرة ملح
وفنجال زيت طبخ
وماء دفي للعجن
حبه سوداء وسمسم( للزينه)


الطريقة..


* جيبي طاسه وانخلي الدقيقين فيها وحطي جميع المواد الجافة وبعدين حطي الزيت والماء الدافي


* واعجنيها كويس لاتخلينها راخيه ولا قوية خليها وسط وحطي عليها زيت شوي وغطيها وخليها تنتفخ بعدين اعجنيها مرة ثانية وخليها ترتاح في الثلاجة عشر دقائق شغلي الفرواخبزيها وعليكم الف عافية


* شغلي الفرن وجيبي صحن الفرن وادهنيه شوي زيت وحطي عليه شوي دقيق عشان ماتلصق القرصان بصحن الفرن


* بعدين طلعي العجينه واعجنيها شوي وخذي قطعه ملي كفك وكوريها ومديها بشكل طولي مرتب في صحن الفرن


* سوي العجينه كلها بنفس الطريقه وبعدين رشي شوي سمسم وشوي حبه سوداء ودخليهم الفرن ولاعاد تفتحين راقبيها من برا


* اذا جهزت من تحت ولعي عليها من فوق حتى تتحمر شوي وطلعيها ولفيها بمنشفه نظيفه خصصيها للقرصان وقدميها مع ايدام طماطم او عدس او مع عسل وسمن وشاي
وبالعافية ياارب ..

الجريش الأصلي ..


المقادير ..


2 كوبين من الجريش منقوع من الليل
2 بصلتين كبيره
نص ملعقه كمون
ملح
نص ملعقه فلفل اسود
4صدور دجاج ( منزوعه الجلد ومسلوقه ومفتته والافضل ماتحطين ملح عليها نملحها مع الجريش)
كوب لبن


الطريقه :
نقعي الجريش من الليل


في القدر قطعي البصل وحطيه على النار مع زيت الزيتون وحركي حتى يذبل البصل ويصير لونه ذهبي


حطي البهارات والفلفل الاسود وقلبي على النار وحطي الدجاج المسلوق المفتت الدجاج وحركي


بعدين تصفين الجريش من المويه وتحطينه على الدجاج


وتحطين مقدار من الماء اللي يغطي الجريش بعدين غطيه وبعد كل 10 دقائق حركي


بعد ماتشوفين انه كميه الماء بدات تنقص حطي اللبن وحركي


والحين حطي الملح وبعدين حطي ملعقه وسط خل ابيض على الجريش الخل يعطيكي حموضه حلوه وحركي شوي


وبعدين تقطعيني بصلتين كبيره وتحمسينهم على النار الى ما يذبل وبعدين تحطين الليمون الاسود منزوع البذور والمطحون والفلفل الاسود وحطيها على وجه الجريش


وبالعافية ياارب ..

الجريش بجبن الكيري ..


* المقادير:


6 حبات جبن كيري مربعات
ملح
بهارات
مكعب ماجي
ماء مغلي نقي
بصل مقطع
نصف قطعة زبدة
لحم دجاج مقطع ومفتت


جريش حب مغسول ومنقوع


* الطريقه..


نقوم بحمس نص كمية البصل مع نص كمية الزبدة ( ونخلي النص الباقي علشان نصلح به الكشنة )


اذا ذبل البصل نحط صدور الدجاج المفتت ونستمر في التحريك


نحط البهارات والملح والماجي


نحط جبن الكيري


نضيف الجريش وحركي


نحط الماء المغلي على المكونات السابقه ونقوم بتحريكه وبشكل مستمر


ثم نتركه على نار هادئة لمدة ساعة إلى ساعة ونصف - حسب الكمية الي عندك -


مع تحريكه كل 10 دقائق.


اخر شي حطي على وجه الجريش الكشنه
وقدميه حاار ..


وبالعافيه يارب

الجريش البسيط والسريع ..


( بقدر الضغط )


المقادير ..


بصله وسط
زيت
ملعقة ملح
نص ملعقة صغيره بهارات
نص ملعقه فلفل اسود
نص ملعقة كمون
مكعب ماجي
كوب ونص جريش
نص كوب رز مصري
ثلاث اكواب ماء حار+كوب ونص لبن




الطريقة ..


1-في قدر الضغط قطعي البصل قطع صغيره وحمسيه في الزيت.
2- ضيفي عليه ملعقه كبيره ملح + نصف ملعقه بهارات + نصف ملعقه صغيره كمون + نصف ملعقه فلفل أسود + مكعب ماجي .
3- واحد ونصف كاس جريش + نصف كاس رز مصري غسليهم وحطيها على البصل.
4-نضيف الماء ثلاث كاسات + كاس ونصف لبن .
5-اذا بداء يلغي اضغطي القدر ونحسب من نصف ساعه الى ساعه الا ربع...
على نار هادئه بعد مايطلع صوت الصفيره نهدي النار مره .
6- بعدين افتتحي القدر وحركي الجريش بملعقة خشب .
7- اذا تحبين سمن او زبدة حطي على الجريش على حسب رغبتك.
8-عند تقديم الجريش حطي فوقه الكشنه الي هي بصل يقطع صغار ويحمس في شوي زيت او سمن
حتى يذبل ويضاف عليه رشة ليمون اسود منزوع البذور وشوي فلفل اسود ويترك حتى يصير لونه بني غامق وينشف من الزيت وحطيه فوق الجريش ..


وبالعافيه ياارب ..

المرقووق ..




^^ اول شي نسوي عجينة المرقوق ..


المقادير ..


( دقيق بر + ماء كافي للعجن + ملح )


ويمكن إستخدام أي نوع دقيق ..


ونعمل عجينة قاسية نوعاً ما لأننا راح نفردها فيما بعد ..






^^ بعدين نسوي المرق الخاص بالمرقوق ..


- اول شي نحمس بصل في قليل من الزيت حتى يتغير لونه ، نحط معجون طماطم أو طماطم نخلطها بالخلاط ونضيفها للبصل ..


- نتركها تتسبك شوي ثم نضيف لها لحم " هبر " أو ممكن دجاج ..


- حطي اضافاتك حسب رغبتك من بهارات وماجي وورق غار وملح وفلفل رومي + فلفل حارّ


- ونحط عليها كوب ماء نتركها تتسبك لمدة 10 دقائق ..


- ثم نحط عليها الخُضار اللي تحبين ..


" جزر + كوسة + بطاطس + بازلاء+ فاصوليا " >> حسب الرغبة طبعاً ماتحبين الخضار عادي استغني عنها ..


- وبعدين نزيد عليها كوبين ماء قابلة للزيادة حسب كمية العجينة الي عندك ..


- ونغطيها ونتركها تنضج تقريباً تحتاج ثلث ساعة على حسب نوع اللحم وحجمه والخُضار كمان ..




- ووبعد ماينضج اللحم او الدجاج نفرد العجينة على سطح مرشوش بالدقيق ..،




- بعدين قطعيها لقطع صغيرة علشان تسهل نضجها ..




- ضيفي العجينة إلى المرق بالتدريج حتى ما تتلاصق وينضج الخارج ويبقى الداخل عجين ..




- بعد ما تنضج الدفعة السابقة حطي دُفعة أخرى من دون تحريك بس هزيّ القدر شوي شوي ..




- اتركيها تنضج مع متابعتها وهزّ القدر حتى يغطي المرق العجينة علشان تنضج العجينه..


- وحركيها بهدوء علشان ما تنهرس ويتغير شكلها ..


** ما راح تآخذ وقت تقريباً 10 دقائق أو ربع ساعة بالكثير .
.


√ قدمي المرقوق وهو ساخن ..




وبالعافية يارب .