اكلات رجيم * مساعده

عواطف تركي :

وعليكم السلام ورحمة الله وبركاته كل شي بدون زيوت او سكر ينفع اذا كان بكميات قليله او معتدله خذي سلطه خضراء بدون زيت كطبق اساسي للفطور والسحور سعراته الحراريه قليله جداً ويشبع ( خس ، ملفوف ، خيار ، طماطم أو اي تشكيله تحبينها ) المكرونه أي نوع كان اسمر او ابيض الكميه لازم ماتكون كبيره - المكرونه اذا كانت بشاميل يفضل تطبخ بدون زيوت واذا كان لابد من الزيوت يكون قليل جداً والجبنه قليله الدسم والحليب قليل الدسم ، والكميه تاخذين قطعه وحده بحجم كف اليد تقريباً فيها سعرات بين 300 إلى 400 سعره حراريه . - الرز خذي نص كوب ويكون بدون زيت او زبده . - الدجاج واللحوم والسمك بحجم كف اليد ويكون بدون شحوم او جلد او زيت . - الخضار خذي منها نص كوب ويكون بدون زيوت اعمليه بالفرن او مسبك بالصلصه . - الحلويات خذيها مره بالاسبوع وتكون قطعه صغيره بحجم علبة الكبريت . مثال ( تقدرين تنوعين حسب ذوقك واللي يناسبك ) : الفطور الاول : 2 تمر + ماء او لبن او حليب قليل الدسم او قهوه . الفطور الثاني : نص كوب شوربه + نص كوب سلطه خضراء + 1 حبه سمبوسه بالـ جبن او لحم او خضار مشويه بالفرن بدون زيت . العشاء : صدر دجاج مشوي + سلطة خضراء + ربع رغيف خبز اسمر . السحور : زبادي قليل الدسم + خيار + ربع رغيف خبز اسمر . في اختيارات كثيرة تقدرين تستخدمينها لكن بكميات معقوله الله يوفقك

وعليكم السلام ورحمة الله وبركاته كل شي بدون زيوت او سكر ينفع اذا كان بكميات قليله او معتدله...