هذي ياطويلات العمر بعض من عشياتي في بعض من الليالي ههههههه
حبيت اخذ رايكم فيها وافيدكم مثل مااستفدت منكم
نفتتحها بسندوتشات اللحم المفروم لذييييييييييييذه وبنفس الوقت سريعه وسهله
طبعا نقلي بصل وثوم ثم نضع عليه اللحم المفروم والبهارات والطماطم والصلصه والملح الى ان تنضج اللحمه انا حطيت دجاج
ثم نفتح الخبزه وندهنها بمايونيز وجبن سائل ونحشيها باللحمه والبطاطس المقلي وقطعا من الخس وبس وصحتين على قلوبكم
ثانيا بيتزاء الخبز
وهذي نسميها بيتزا الخبز لذيييييييييييييييذه ويحبها الصغار قبل الكبار بناتي يحبونها مرررره الله يحفظهن
طريقتها
سهله مرره تسوينها بخمس دقايق تجيبين الخبز المفرود وتفتحينه مع النص بس لا تقسمينه لا مجرد فتحه بسيطه ثم تدهنينه بجبن سائل وتسوين صلصة البيتزاالمعروفه
اللي هي طماطم مفروم وفلفل اخضر بارد وثوم وبهارات وزيت انا ازود عليها خضار مجمده وتتركيها على النار لما تتسبك
ثم تحطين الصلصه على الخبزه وحطي الموزرلا و طماطم صغير وفلفل اخضر وان بغيتي زيتون شرائح ودخليه بالفرن وخليه يتحمر من فوق وتمتعي بالذ واسرع ييتزا
وهذا ياحلوات صينية توست بالنقانق يمي يمي روووعه
تصفين توست بالصينيه المربعه ثم تدهنينه جبن سائل وبعدين تكونين مقلية بصل وطماط وبهارات وتقطعين عليهم النقانق وتتركينه خمس دقايق ثم تفرشينه على التوست وحطي على كل مربع توست شريحة جبنه بعدين صفي طبقة توست ثانيه ثم بالخلاط 2جبنه كيري وعلبة قشطه وبيضه وتقدرين تستغنين عن البيض وحطيه على التوست ثم رشي شوية موزريلا وحمريه من فوق ومن تحت
تراه لذييييذ مررره
واخيرررررررررررا
خبزة العنود يامال العافيه مع الحميس على طريقة اختي حبيبة البي
اترككم مع الصور
البصل مع زيت
ثم الفلفل الرومي واللحمه ثم البهارات والملح وقلقليهم مع بعض
ثم حطي كاس ماء
وسكري القدر عليهم وخليهم ربع ساعه او حسب نوع لحمك
ثم افتحي القدر وحطيه بصينيه صغيره طبعا يكون المرق بسيييط يعني بالصينيه يكون الطاغي اللحم وحطي شرائح طماطم
وشغلي عليه الشوايه وخليه يتحمس انا حمسته حبتين الاحلى ماتخلينه يطول عشان مايقسى اللحم
وهذي صورة قبل الحمس
وهذي بعد
وهذي مع خبزة العنووووود يمييي يمييي
والف صحه وعافيه على قلوبكم
لاتنسي قبل تطلعين من موضوعي قولي سبحان الله وبحمده سبحان الله العظيم وصلي على نبيه صلى الله عليه وسلم
ودعوه حلوه لي بصلاح نيتي وذريتي
والسلام عليكم ورحمة الله وبركاته
وصلى الله على نبينا وحبيبنا محمد عليه افضل الصلاة والتسليم
والله يصلح لك النية والذرية
الله يسعدك ويعطيك الف عافيه ماقصرتي حبيبتي