اكلات شعبيه...

بالعافيه


بس ماقلتي لنا من وين انتي؟؟

اذا من الرياض شوفي ام عبدالله طباخه في المنتدى راسليها

حياك الله

العضوة لمسات من الشوق

شوفي مرقوق القصمان لاتاكلين غيره

معروفة القصيمات بالمرقوق

تبين اعلمك طريقته

تر انا ماادبر شي بالمطبخ ابشرك بس مره اشتهيته وغامرات اسويه حمدلله ضبط معي مرتين بعد


المقادير :

لحمة غنم مقطعه لقطع صغيرة متساويه..
2بصل مفروم او مقطع صغير
فصة ثوم واحده
قليل فاصوليا ..مقطعه انصاف
3حبات كوسة مقطعه قطع كبيرة
قرع ( حسب الرغبه )
حبة باذنجان مقشره ومقطعه كبير
2طماطم مع ملعقتين صغيرة صلصه ..وبالخلاط الكهربائي..
زيت قليل
ملح _ كمون _ فلفل اسود _ هيل _ قليل قرفه _ وقليل ليمون ناشف ( كل البهارت مطحونة افضل )

مقادير العجين :


1/2 2طحين بر
عند الرغيه اضافة 1/2 دقيق ابيض
وانا بصراحه افضل بدون ..
ماء يكفي حتى تطلع متماسكه ...وتكون قريبه من عجينة السمبوسك في الليونة ..






طريقة التحضير


الطريقــــــــــــــة :
تضعي الطحين في وعاء ..تضيفي الماء تدريجي عليه ..وتعجن الى ان تتماسك..تغطى ..
وتترك لترتاح قلليلأ..
_ ضعي البصل في قدر متوسط ..واضيفي الزيت والى ان يبدا في يسخن .واضيفي البهارات
عليه ..الة ان يصفر البصل ..
واضفي اللحمة وقلبيها معه ..واتركيها لعشر دقائق ..وتقلب بين حين واخر ..واضيفي الفاصوليا عليها..
واضيفي الطماطم المعصورة ..واتركيها تتسبك ..ثم اضيفي الماء الى ان تغظي اللحمة ..
_ اذا استوت اللحمة نصف استواء ...هنا اضيفي الخضار كلها ..
_ وابدئي فرد العجينة الى ان تكون رقيقه جدا ...ثم ضعيها في القدر ..وهكذا ...الى ان تنتهي من العجينة ...ويراعى ان تستوي كل وحده قبل اضافة الاخرى عليها ..لكي لا تلتصق ببعض..
واذا احتاج لزيادة قليل من الماء ..ففمكن ..
_ وتترك على نار هادئه الى ان يستوي ...ويقدم
وبالعافيـــــــــــــــــــــــــــة







تر احنا امي وخالتي قصيميات لزم مرقوق يسونه فااقولك وش يسون
يسون العجينه وش كبرها
يقومون يقسمونها هدي حقت فلانه وهدي لي فلانه وهدي لي فلانه

وبعدها كل وحده تقوم تقطع عجينتها وتسويها دوائر صفيره تعبي لك طوفريه كامله وبعدها تجيب الاله حقت العجين الي دائريه وتحطين العجينه وتصير مفروده
هدي يخلون الخدامات تسويها وبعده يحطونها في علب تجيك نفس المقاس وكل شي بس تدخلينه الفريزير ولي بغيتي مرقوق تطلعينه وتطبخين مره سهله



بس اهم شي خلي لحمتك طازجه توك جايتها هد يطعم فيه وكمان خلي ليمون مطوحون رشيه فوقه قبل لاتقدمينه يطعم الاكل

من وين بالضبط في الرياض ؟؟