اكلة روووعة للفطور الحقوا عليها وفوق كدة سهلة

كيف البنات الحلوين مع رمضان؟؟؟ تقبل الله منا ومنكم .
اكلتنا اليوم اكلة مغربية كذابة لذييذة وسهلة طبعاً يلا معايا....
المقادير:

عجينة البف المعتمدة عندك واذا ما عندك وحدة معتمدة انا اعطيكي وحدة ممتازة
الحشوة:

2 م زيت
2 بصل كبير مفروم
2 فص ثوم مفروم
1 فلفل رومي بارد أو فلفل حار اذا حبيتي مفروم
3 طماطم متوسطة مفرومة
1 ونص م ك صلصة
1 ماجي
1 م ص ملح
نص م ص (فلفل أسود - كمون - قرفة - كزبرة مطحونة - ملح ليمون )
نص ك كزبرة طازجة مفرومة + بقدونس


الطريقة:


في قدر على النار حطي الزيت وحمري البصل ثم الثوم وبعدين حطي الفلفل وقلبي شوية بعدين الطماطم والصلصة وكل البهارات وشوييية موية وخليها تتسبك شوية وبعدين طفي النار وحطي الكزبرة والبقدونس وخليها تبرد شوية.
العجينة كوريها لكور بحجم البيضة وخليها ترتاح شوية وبعدين افتحي وحدة دائرة بحيث تكون رقيقة شوية وسيبيها على جنب وافتحي تانية وحطي 2-3 م ك من الحشوة وحطي الدائرة اللي فتحتيها فوقها واضغطي الأطراف مظبوط وضفريها او قصيها بعجلة البف المشرشفة .
حمي 1 م ص زيت في صاج وحطي المحجوبة عليها واستنيها تحمر من تحت شوية وبعدين اقلبيها وخليها كمان تحمر من تحت وبعدين شيليها وقطعيها ارباع وقدميها . وطبعا سوي كل المقدار بنفس الطريقة.
وبالهنا والشفا.
والله يابنات كان نفسي اصورها واوريها لكم بس دحين ما قدر الله يسهل واوريكم هي ان شاء الله.
وبالنسبة للعجينة:

2 ك دقيق
1 م ك سكر
1 م ك حليب بودرة
ملح
2 م ك زيت
ماء للعجن