اكلمها ولا اسكت؟؟

السلام عليكم
مساء الخير
ودي استشيركم بشغلة كأمهات وكبنات،،، انا بنت ربي ماكتب لي الزواج الى الان والحمدلله عايشة لكن قلبي متعلق بالموضوع فادعي الله واتحرى اوقات الاجابة واعمل اشياء اخرى طمعًا بكرم الله وان الله يتقبل مني ويجزيني عليها باللي يسرني، واوصي امي وخواتي وابوي بانهم يدعون لي دايم وطبعا يشوفون تاثري بالموضوع اذا ماضبطت خطبه ورا خطبه او اذا تزوجوا الي بعمري وصديقاتي واني اتاثر لكن بنفس الوقت ماياست
المشكلة ياجماعه ان امي وخواتي المتزوجات صاروا كل ماجلسوا يحاولون يثبتون لي ان الزواج شين وانه مب طموح انا ادري انه مب طموح بس ودي فيه يكمل شيء في خاطري،، المشكله صاروا يحسسوني اني قليله ادب واني متقطعة على العلاقة الخاصه عن طريق كلامهم ويبون يثبتون لي بالكلام انه مالهم خلق وانه شغل (العلاقة) ويبينون لي اذا مرض زوج الوحده منهم انه اوه ياحظي اجازه وبفتك ويسمعوني من هالمقاطع اللي تجي بالواتس اذا حرمه فرحانه انها افتكت من زوجها،، يعني احس صرت بنظرهم بنت غير محترمه وانجرح اذا قالوا لي او لمحوا لي كذا انا ابي الزواج عشان هو سنة الخياة ومنها تكونين بيت وعيال وحياه خاصه مب بس هالموضوع وهم لاني اشاركهم برغبتي بالزواج طمعا بدعائهم صاروا يحرجوني ويضايقوني بهالكلام وحتى لو ابي جانب عاطفي هذي فطره وطلبتها بالحلال ليش يخسسوني انه مب مهمه ولاتشغلك، صرت ازعل والله وماادري يعني اقولهم انه عيب تبينون لي انكم كارهين ومتأففين من العلاقه الخاصه مع ازواجكم على ابو انه بتقتلون رغبتي بالزواج؟ ولا اسكت وامشي الموضوع ولا اكثر هرج فيه عشان عيب احرجهم واحرجني؟
والله يكتب لي ولكم الخير ويرزق بنات المسلمين