الله يرزقك بالزوج الصالح

مصريه وتخطب !!

انتبهي لا تورطك بمصيبه بكرا

رزقك وبيجيك ادعي ربك

انسي

اخاف من اللي كذا هالاماكن

طيب اذا انت متحسفه انك مارديتي عليها
روحي مره ثانيه لهالمشغل لأي سبب من الاسباب اللي تروحين لها للمشاغل
وشوفي اذا فتحت معاك الموضوع تكلمي معاها بكل جديه
واسأليها عن كل صغيره وكبيره عن هالدكتور
واذا هي نست الموضوع انت لمحي لها من بعيد وبطريقه غير مباشره بس عشان
تتذكر وتكلمك فالموضوع مره ثانيه
يمكن يكون فعلا تعرف دكتور يبي يتزوج وللحين ماحصل اللي تناسبه وهي شافتك مناسبه
للمواصفات اللي طالبها .. وماتدرين يمكن هالدكتور بيكون نصيبك اللي الله كاتبه لك
الوحده ماتدري منين يجي نصيبها واحيانا يجي النصيب من جهه ماتخطر على البال
ولا تستصغرين ان مصريه تكلمك في موضوع خطبه
ياما في مصريات عسل وقلوبهم بيضه ويخافون الله
وعلى العموم اذا كان الموضوع جد اكيد اهلك بيسألون عن هالرجال
وبيعرفون اصله وفصله وساعتها بيقررون اذا هو مناسب او لا
يعني المسأله مب خبط ولزق
وانا ماقلت لك هالكلام الا عشان ترتاحين من التفكير في هالموضوع

أنا نفس داناو روحي للمشغل وكأنك بتسوين اي شي وهي أكيد اذا صادقه بقولك او خلي بنت عمك تسألها وين الدكتور اللي قتلي عنه كأنك بتخلين أحد يتعالج عنده والله يوفقك ولا تقولين دراسه سنه عادي تقدرين تملكين والزواج بعد سنه نفس أختي لما كانت بالجامعة والله يرزقك بالزوج الصالح ويوفقك