اكلم ابوي

السلام عليكم 

انا متضايقه ومب عارفه شسوي شورو علي 

انا ماحب ادخل اهلي ف مشاكلي بس ريلي احس قام وايد يمصخها 

وهو كل ماصار شي كلم ابوي قاله عقلها و عقلها 

انا مانكر اني ساعات اعاند وماسمع كلامه اذا عصبت بس بعد هو يقعد يناحسني لي ما اطلع من طوري 

موقف اليوم صج مضايقني انا حامل و ف الشهر الخامس والنفسيه زفت وصايره عصبيه 

المهم ولدي ف المدرسه وانا كل يوم اروح اخذه مع السايق واليوم عمي خذ السايق وطلع معاه 

نزلت تحت حصلت زوجي مع امه ف الصاله وقلت له ودني اخذ اليهال لان السايق محد ف قالي باقي ثلث ساعه على مايطلعون قلت له اول ناخذ ولد اخوه من الحضانه عقب ناخذ ولدي من المدرسه اوردي المدرسه والحضانه قراب من البيت عشان نكسب الوقت وهو كان عنده دوام الظهر 

خذت الخدامه وطلعت واحنا رايحين الا الخدامه تقول ان ولد اخوه ماداوم بس عرف تم يهاوش وان كان يبي يسبح وانا طلعته قبل قلت له انا شدراني انه ماداوم انا مب امه عشان اعرف وانا كنت ابي اكسب الوقت عشان ما نتاخر تم يصرخ علي جدام الخدامه ولدي نظام مدرسته 12 بالضبط يفتحون الباب وتم يغلط علي قلت له لو السايق موجود ما احتجتك وتم يغلط علي وطلعني كلبه وان عدوه قلت له هاي واجبك انك توديني واتيبني ومن افتحت المدرسه هاي اول مره ياخذ ولده كل اروح مع السايق ف وجوده ولا في عدمه وتم يهاوش ويقولي انتي عايشه في خيري قلت له غصب عنك تصرف علي مب بكيفك وهو راجع البيت من الساعه 11 قاعد تحت يسولف مع امه قلت له دام عليك دوام ليش قاعد تسولف تحت ليش ماييت تتسبح وتلبس وتصلي ولا تنطر لي حزه الحزه 

طلعني ماسوي شي ولا اعرف اربي عيالي وقليله ادب و و و و 

عيالي 24 ساعه معاي انا الي البس واغدي وادرس وانوم واسبح واجهز الريوق واغراض المدرسه مع هاي كله يقولي ماسوي شي يعني شسوي اكثر طول يومي مراكض وراهم من الظهر لي الليل مارتاح الا وقت النوم وبعد ماسوي شي ويقولي ماتعرفين تربين اقوله يد وحده ماتصفق ليش ماتساعدني في تربيتهم يقولي هاي مب شغلي انا الي علي اصرف عليكم 

تعبت منه شورو علي شلون اتعامل معاه والله تعبت كل يوم والثاني متهاوشين على اسباب تافهه ويقعد يغلط علي واغلط عليه احس صار مافي احترام بينا