اكلم الجدران مثلا ؟؟

السلام عليكم

كيفكم ي حلوين

انا كذا بس ودي افضفض لكم اليوم

لانه طبعا كل الحلول الي حتقولوها لي ماراح تنفعني

بس كذا ضيقه فيني وودي اطلعها لاحلى خوات وارتاح منها شوي

وبالغالب قد مر عليكم مثل مشكلتي كثير

نبداء بسم الله

طبعا اسم العنوان اقتبسته من كثر برود زوجي هههههههههه

زوجي الله يهديه ان شاء الله مو معتبر لي اي وجود في الدنيا هذا اختصار المشكله

كم نقطه بقولها لكم توضح معنى كلامي

تخيلو نجلس بالاسابيع في البيت قدام بعض والله ياعالم مايقول كلمه .. اقول له ي ابو فلان سولف معاي طفشانه يقولي وش تبغين اسولف معاك فيه مع انه مع اصحابه اهله ماشاء الله ضحك وتنكيت على كيف كيفكم << وعذرته وقلت لانه انا 24 ساعه في وجهه ماعد فيه كلام يقوله لي

نجي لنقطه ثانيه

عمري ماسمعت منه كلمه حلوه او فرحني بهديه حتى لو بريال والله ماتهمني انها تكون كشخه وغاليه حتى لو بسكوت سنكرس ومعاها ورقه صغيره مكتوب فيها احبك والله كأنه اهداني الدنيا ومافيها

وعشان ما انكرفي ذكرى زواجنا انا لمحت له قلت ترا الازواج في ذكرى زواجهم يعملو حفله بسيطه ويهدو بعض والله قبل ذكرى زواجنى بشهرين يمكن وانا المح له والحمد لله جاب لي وطبعا هذا في ذكرى زوجنا الاول وانا الان لي 4 سنوات متزوجه

نقطه ثالثه اقوله انا ي ابو فلان احب اسمع منك كلمه حلوه .. يقولي ماتعودت .. خير وش ماتعودت ..يعني انا مثلا الي تعودت وتعلمت مع غيرك كيف الحب .. مافيها تعلم ذي الله يهديه بس

نقطه رابعه انا حاليا مريضه شوية برد غير ان بنوتي وولدي تعبانين يعني انا مو قادره اشيل نفسي ومع ذالك كل شوي اصحى من نومي عشان موعد علاجاتهم ومع ذالك والله ماسمعت منه كلمة سلامات ماغير بتسوين غداء بتسوين عشاء طيب ارحمني تكفى

النقطه الخامسه يكذب عليه كثير

مثلا قبل فتره كان يضبط اوراق لاخوه في المستشفى ولما رجع البيت قلت له خلاص ضبطتها
قال ايوه خلاص وقلت لاخويه وارسلت له الاوراق

بعد اسبوعين يقول لي انا بروح المستشفى اضبط اوراق اخويه .. قلت له انت قبل اسبوعين ضبطتها وارسلتها له قال لي لا قلت انت كذا قلت لي قال والله لاقلت لك ضبطها وارسلتها ولا شي طبعا ماكان قدلمي الا اني اسكت لانه هوه عارف انه كذاب

وتراااااا غالب الاموووور في حياتنا يكذب عليه فيها ليش مدري



النقطه السادسه والي دمرتني وخلتني اكرهه

قبل اسبوعين يمكن ..قاعده انا وهوه وجالسه اتغزل فيه .. في الاخير قالي تصدقين حلو الزوج وزوجته يفترقون عن بعض عشان يشتاقو لبعض انا هنا تنحت فهيت رحت عالم ثاني

وطبعا اهلي بعيدين عن المكان الي انا ساكنه فيه بحدود 1200 كيلو وطبعا بسافر بطياره

قلت له يعني احجزز واسافر لاهلي قالي ايه احجزي .. والله يابنات احس كأنه اعطاني كف على وجهي


مع العلم اني دايم نظيفه ومرتبه وريحتي حلوه وعيالي نظيفين والبيت مرتب والاكل من احلى الاصناف اطبخ له وكلام حب وحفلات رومنسيه وليالي حمراء وصفراء وخضرا كلها سويتها


بس اش رايكم مدري هل الرجال ماحبني هل هوه كذا الا مبالي والله احترت وانجرحت منه كثير

الله يسامحه ويهديه بس

معليش قرقت عليكم كثير وادري انه ممكن ماتكون مشكله بس حبيت افضفض لكم


ولكم خالص حبي واحترامي وتقديري