انتي زي حالتي ويمكن انا افظع من كذا تخيلي يخاصمني ولايفكر يعتذرر رغم انه هو الغلطااان بس صار كل شي عادي عندي تعودت بروده تبين نصيحتي كلميه يمكن يتفهم و تكثري دعا واستغفااار والله يعينك بس لاترهقي نفسك ولاترخي مرة معه  

عادي حبيبتي انا صارلي مثلك ولمدة 3شهور متواصله وحنا كل يوم نتهاوش ووصلت لدرجه من الكآبه والضيقه مايعلم فيها إلا ربي وكنت فترتها أدرس فكان كل شيء يحطه بالدراسه وزوجي من النوع الكتوم جدآواكتشفت عن طريق الصدفه إنه بينه مشاكل هو ومديره في الشغل وماارتحت إلى ماترك وظيفته الأولى واشتغل بشركه ثانيه
لذلك لاتعاتبين زوجك الآن يمكن هويعاني من ضغوط حاولي انك تتقربين منه وتحسسينه بالأمان والراحه وانك منبع اسراره ولا تضغطين عليه بالأسئله أو الشكاوي صدقيني مع الوقت راح يتكلم لك من نفسه عن اللي مضايقه ..
واصبري كلها فتره وتعدي إن شاءالله ..

حاولي تجلسي عندك اهلك
افضل
ابعدي شويه
عنه الين تهدا النفوس
بس لا تناقشيه لموضوعك وانتي عند اهلك
ولا كانه صار شي
يمكن هو مضايق من العمل
وانتي ضغوطات البيت وطفله ويصير مشاكل علي تفهه شي
طولي بالك
اجلسي عند اهلك ارتاحي وانبسطي
ولا تدقي عليه
وشوفي
كيف يشتاقلك
الله يسخر لك زوجك ويقر عينك
ويصلحكم يارب

أعتقد سبب زعله أنك تراددين وقت كلامه و عصبيته

نصيحة لك لوجه الله إذا كان معصب لا تردين و لا تطالعين فيه اشغلي نفسك بس لا تقومين وتخلينه
ترى مو ضعف سكوتك والله حكمة وقوة
بعدها يهدأ ويتسامح منك
لكن إذا جلستي تراددين حتى لو قلتي انا ما قصدت وش فيك زعلان كرهتني في العيشه كل شويه تصارخ كذا غلط
الزمي الصمت وقت الزعل وبعدها بتصلح الامور

اما الحين انصحك ايه تكلمينه و تفهمينه سبب زعلك و الأشياء الي تضايقك بدون صراخ بهدوء والله يصلح امرك

زوجك مثل زوجي اذا دورت رضاه قام يزعل ويتغلا ويسوي مشكله على كل شي واذا طنشته وسويت كل بمزاجي وعلى كيفي واشغلت نفسي عنه يدور وراي ورضاي .
هو نوعيته متردده علشان كذا يلوم في اي شي مو شخصيه قياديه متعود على انه اذا اختار شي يجيه لوم علشان كذا يسوي نفس الشي معك انت اذا زعل على مطعم ولا حذيان ولا شي تافه لايهز فيكي شعره اذا شافك زعلت رح يزيد فيها ويكبر الزعله اعتبريه ماقال شي اضحكي وسولفي وعلقي ولا يهمك بعدين اذا مشى الوضع اكتبي الي تبغينه في رساله واذا داوم ارسليها بس ارسليها بداية الدوام علشان يجي اخر الدوم قد طخ مافي راسه وقد حسبها صح بس مايكون فيها قلت ادب اكتبي الشي اليقهرك وارسليها له .

احسن مافي هذي الشخصيه يندمون على اي كلمه او حركه يسوونها ويجلس يانبهم ضميرهم .