اكله البريك الشهيه طعم ولا اروع

هذه اكله سويتها انا وامي ان شاء الله تعجبكم
نجي للعجينه شويه ماء دافي وملعقه خميره فوريه وبيضتين ودقيق تقريبا مقدار كاستين كبار ونص وتعجني العجينه مع اضافه شويه زيت ... وتخليها تخمر ربع ساعه وتقطعيها كرات صغيره تقريبا كان معانا 14 كره وخليناها خمس دقايق قبل المد وبدأنا نمدهم قبل شرح طريقه المد بشرح لكم الحشوه
الحشوه تجيبي نص كيلو مفروم تغسليه واضغطيه بالضغاط مع ملح وتجيبي دست تقصي له بصله وتحمريها بشويه زيت وتضيفي نص حزمه بقدونس مقطعه قطع صغيره للبصل وتضيفي المفروم وحركي بالملعقه وقلبيهم دون اضافه ماء وضيفي شويه بهارات .... وجهزي ع جمب ربع كيلو جبن ابيض قطعيهم قطع صغار ممكن تبشريهم يكونوا لحالهم لاتضيفيهم لخلطه المفروم ..
طريقه المد تجيبي صحن الفرن تدهنيه بسمنه مراعي وتبداي تمدي الكره الاولى بحيث تغطي الصحن كامل وثبيتي اطرافها بيدك ورشي رشه زيت ومدي الطبقه الثانيه والثالثه ومابين كل طبقه وطبقه رشي زيت بعدما مديتي ثلاث طبقات رشي من خلطه المفروم وخلطه الجبن وبعدين غطوهم بثلاث طبقات عجين ثم خلطه المفروم والجبن وهكذا يعني ثلاث طبقات عجين والرابعه تكون المفروم وهكذا واخر طبقتين تكون عجين ثم رشي الواجهه بزيت وسمسم وقطعيهم مثل الصوره


ثم ع الفرن الين تحمر الواجهه ... اكله شهيه لاتقاوم وسامحوني ماقدرت اصور الخطوات ....واي استفسار جاهزه...