اكله بسيطه شاميه (المفركه)تنفع فطور وعشا خفيف* لذيذه*

انا جعت امس بالليل واحترت وش اسوي وابي شي حار مابي ساندوتش ونواشف فقلت مالي الا المفركه تشبع وحلوه وطبخ وسهله بنفس الوقت..وقلت بفيد حبيباتي فعالم حواء يمكن وحده تدور شي زي كذا ..ان شاء الله تعجبكم..
المقادير:
6حبات بطاطس
بيضتين مخفوقه
بصله متوسطه مفرومه
ملح وفلفل اسود
ملعقه كبيره زيت

الطريقه:

1/
قشري البطاطس واسلقيه ..وانت حره في عدد البطاطا ان حبيت 3 حبات بس وبيضه على كيفك وكلما زدت بطاطا زيدي بيض (لكل 3 حبات متوسطه بيضه وحده)
2/
بعد مانسلق اتركيه شوي يبرد على ماتقطعين البصل ثم قطعي البطاطس مكعبات ...وبعدها روحي حمي الزيت فالقدر ثم حمسي البصل الى ان يذبل وكلما ذبل اكثر احسن والذ..
3/
الان ضعي البطاطا على البصل وقلبيه شوي ثم ضعي عليه الملح والفلفل والبيض المخفوق وقلبيهم مع بعض حتى يتجانس ..بتلاحظين ان البطاطا انخلط زين مع البيض وتداخلوا مع بعض غطيه وخليه شوي ثم ارفعيه عن النار واغرفي لك فالصحن وكليه ..لاياشيخه.المهم وبس خلصت الاكله تؤكل حاره طبعا مع الخبز ..وبالهنا والعافيه يارب

اتمنى تجربوها وتقولو لي رايكم ..........:)