من جد عندي لكم طريقه اكله تجنن جربوها وذوقوها بعدين اعطوني رايكم انا كنت مثلكم اقول مستحيل اكل شي مو عارفه طعمه
وهذي شغالتنا الله يذكرها بالخير علمتنا اكله عندهم طعمها خيالي بالبدايه من كثر ماتكلمنا عنها ماكنت متخيله اني راح يجي يوم من الايام واكل منها
لا بس ما اكلت الا صرت مدمنه عليها واعملها طعمها يجنن يجنن يجنن اتعب اقولكم حلو جربوا وقولوا رايكم
هي تقريبا مثل الايدام طبختنا اليوم من المطبخ الحبشي:D
اسمها (الزقني)
طبعا اليوم ماعملتها بس لطشت كم صوره من جوجل عشان احطلكم المكونات>>>> عجازه
لو قريب سويتها راح انزلكم الخطوات المصوره للطبخه
بسم الله نبدء
بصل مقطع شرايح ممكن سبعه حبات كبيره
صدور دجاج او ممكن دجاجه كامله وتقطعينها وتغسلينها
علبه وحده بس طماطم مقشره
[/ملح وكمون وفلفل حبشي هنا السر اكيد
راح تقولوا كيف شكله راح اقلكم شكله عادي زي الفلفل الاحمر البودره
يبيعونه عند العطارين
اسمه كذا فلفل حبشي ماله اسم ثاني وهذا تاخذون منه ثلاث ملاعق او اربعه حقت الاكل لو انتم تحبون الحار لو وسط خذوا ثلاثه او ملعقتين ونص
الطريقه
نقطع البصل شرايح ويكون البصل لازم كثير المهم نحطه في قدر ونحط زيت نكثر شوي
نحطه على نار هاديه لمن يستوي مضبوط ويشقر لونه يصير دهبي
بعدين نجيب الفلفل الحبشي نكشنه مع البصل خمسه دقايق ونرفع النار بعدين نحط الدجاج مع البصل والفلفل والنار مرتفعه كذا كم دقيقه لين تاخذ لون
الدجاج لون الفلفل ونكهته بعدين نحط علبه الطماطم اكيد بعد ماخلطناها بالخلاط والنار عاليه ونحط ملح وشويه كمون لين كذا عشر دقايقه والنار عاليه
بعدين نرخي النار لين يستوي مده نص ساعه
لو حسيتي انه يحتاج مويه تزودي شويه مويه بس ونخليه على نار هاديه بعد مايستوي
نرمي فيه كم حبه بيض مسلوق للي يحبوا انا عن نفسي ما احبه
بس ونقدمه مع خبز حقتهم يسمونه لحوح هذي صورته
يبيعونه في السوبر ماركت الرايه وبنده
الشكل النهائي للطبخه
طعمها جنان على ضمانتي جربوها وادعولي
اختكم
جروح الالم
شوقتينااا