كيفكم ان شالله بخير وصحه ياربحابه اعرض عليكم اكله سهله
تعلمتها من خالتي ام رجلي ^_^
ان شالله تعجبكم وربي طعمها يجنن
المقادير :
4حبات كوسا
2حبات باذنجان كبير
4حبات بطاطس
حزمة صغيره بقدونس
2 فص ثوم
4معالق خل ابيض
ملح+فلفل اسود
طبعا اذا حابه تزيدي انواع الخضار مافي مشكله
والملح والفلفل على حسب الرغبه
الطريقه:
قطعي الكوسا مكعبات صغيره والباذنجان مكعبات صغيره
والبطاطس مكعبات صغيره
اقلي الباذنجان والكوسى مع بعض لين تذبل الباذنجان ويبتدي الكوسى تميل للون الذهبي
بعدين شيليهم وحطيهم على ورق يمتص الزيت على جنب
بعدها اقلي البطاطس قلي عادي لين يبتدي يصير شوي ذهبي
وبعدين صفيه من الزيت
بعدين جيبي قلايه كبيره وعميقه وحطي فيها الكوسا والباذنجان والبطاطس
وحطي فوهم الخل والبقدونس المفروم والثوم بعد ماتفرميه والبهارات وقلبيهم شوي
بعدين حطيهم بالصحن المعد للتقديم وزينيه بشرايح ليمون ^_^
وبالعافيه ياارب :cook:
ملاحظه:
ممقدم تقدميه حار وممكن يتقدم بارد