اكله عالسريع بالنقانق للوقت الضايع

هلا خواتي
ها اول موضوع لي في هالقسم والصراحة هالاكله انا اسويها لما اكون مستعيله وماشي وقت مثل البارحة على العشاء ..

المقادير
5 قطع نقانق مقطع حلقات دارية
نص جبنه شيدرتبشر بحجم صغير جدا ... ممكن تستبدل بجبنة المبشوره الجاهزه
نص طماطه كبير
نص بصله صغيره
ملعة واحدة صلصه طماطم والافضل ما تكون مليانه
نص فلفله حاره مقطه حلقات ( حسب الرغبه )
مشروم - فطر ( حسب الرغبه )
ملح
فلفل اسود


الطريقة
نحمر البصل في زيت بس تأكدي ان كمية الزيت مناسبه ومش كثيره ..
بعدين تضيف الطماطم ونحركها لحد ما تذوب عدل
نضيف المشروم والفلفل لو تحبونه
بعدها نضيف النقانق والتبهيره ( الملح والفلفل و اي بهار انتو تحبونه ) وننتظر لحد ما يستوي النقانق شوي
بعدين نضيف صلصه الطماطم ونحركها عدل ونسكر النار بعدين نضيف الجبن ونحركه

ملاحظة لا تضيفين كمية كبيره من الجبن لانها تخبص الاكله


انا اقدم الاكله هاي مع معكرونه بدون اي شي بس بصلصة الطماطم
او مع بطاطا مشويه :) وبالهنا والشفا