اكله عجبت زوجي بطريقه مو طبيعيه- صينية دجاج بالفرن

بنات قبل كم يوم شفت اكلة دجاج لأم فيصل بالخضار و في الفرن وسويتها بس اني حطيتها على نار واطيه مره وخلطت كل شي فوق النار بنفس الطريقه و بعدين دخلتها الفرن و زوجي اتجنن عليها

احب اشكر أم فيصل و الله يخليلك فيصل


امس عشان قاعده اذاكر واتاخر الوقت و برضه عشان مفكرين نقلل وزننا قمت سلقت دجاجه قال ايش بدون زيت وقال اسويها على النار مع خضار


قمت قلبت الطبخه

سويت شبيهه لأم فيصل بس الطريقه كالأتي




اول قطعي دجاجه 8 قطع و اسلقيها في مويه بكمون و ملح و ماجي و لاتحطي زيت


بعدين على نار وسط و بدون زيت حطي بصل المقطع جوانح بصلتين وحطي توم مقطع صغير وحطي كركم و كاري و ملح و فلفل اسود بس وقلبي الين يسير كل البصل لونه اصفر ولو حسيت البصل بيلصق و الطاوه ناشفه حطي ملقه من مرقه سلق الدجاج

بعدين حطي الفلفل الاخضر الرومي المقطع شرايح و حطي حبتين و حطي عليه علبة مشروم و ملعقة مايونيز واعصري ليمونه و قلبي قلبي قلبي قلبي و زودي مويه سلق الدجاج على حسب الاحتياج بس مو تغرقي الدنيا لا بس شوي

و بعده حطي الدجاج وحطي كركم عليه وقلبي ولو محتاج مويه سلق دجاج زوديه وارمي عليه حبة فلفل اخضر حار بعد ماتقطعيها بالطول لو حبيتي الاكل حار

بس وخلي على وسط او نار عاليه لو مستعجله وغطيه شويه بغطاء القدر وبعد فتره ارفعي الغطاء وقلبي عشانه حيلصق من تحت البصل او الدجاج عشان مافيه زيت وزودي مرقه دجاج لو احتاج وقلبي

ملاحظه : لا تخلي الاكله ناشفه مره . لازم يبقى فيها صوص تقيل

وسوي رز ابيض بس حطي عليه من مرقة الدجاج مو مويه ساده

و صحه على قلبك و سلمولي على ام فيصل كتييييييييير السلام وقولولها لا تتاخري علينا باكلات زي كدا بالخضاااااااار


( من جد ما انعطي وجه قلبت المنتدى رساله شخصيه هههههههههههه):hahaha::hahaha: