اكله نادره من اعماق عروس البحر المتوسط الاسكندريه ... مهما اوصف لازم تجربون بنفسكم

الحامض

بنات هاي اكله امي كانت تسويها في الشتاء وووايد لذيذه مع الخبز وانا وايد احبها ودايما اذكرها تسويها لي


وخاطري تعرفونها وتجربونها

مقاديرها

نص كيلو لحم غنم مقطع مكعبات

2 حزمه سلق تفصلين الورق عن الاعواد

حزمه كزبره خضراء

نصف كوب رز

ربع كوب زيت ذره

عصير 6 ليمونات

4 فصوص ثوم

بصله كبيره

اول شي تقطعين البصله مكعبات وتقطعين اعواد السلق بعد تنظيفه وتحمسين البصله لين يصير لونها ذهبي وتضيفين السلق وتخلينه شوي لين يذبل وتضيفين عليه ليتر ونصف ماء وملح وفلفل ولما يغلي حطي اللحم وخليه لين يسلق وينشل اللحم ويضاف الارز ويترك يغلي

تسلقين اوراق السلق في شويه ماء وتضربينه في الخلاط ويضاف لخليط الشوربه مع عصير الليمون ويغلي لين يغلظ

تفرمين الثوم والكزبره وتقليهم في زيت وتغرفين الحامض وترصين اللحم وترشين خليط الثوم والكزبره

يقدم مع الخبز وانا متأكده ان ما في واحده بتجربه الا وبتكرره على طول لانها لذيذه جدا جدا جدا