بسم الله الرحمن الرحيم
اهلين بالغوالي
انا من القديمات بس كل اطباقي من غير صور بس الحين تطورنا شوي الله يجملنا اخيرا بعد فتره طويله من الغشامه عرفنا ننزل صور بالمرفقات بعدين نرزها وسط الصفحه هههههههههه
طبقي عباره عن اكله هنديه تشبه للفلافل ولذيذه تصلح للعشاء وخصوصا انه عندي عيال الله يصلحهم مايعجبهم العجب ولا صيام برجب يمه قطعة طماطه كبيره يمه بقدونسه ماانفرمت واختفت بس بقى لونها يمه ويمه ويمه وعلى النقيض زوجي يحب الاكل والتنوع فيه ويقدر هالشي عذاب كثير الاكلات اللي تعجبني احرفها علشان اخفي مكوناتها واخدعهم هههههههههه
طولت عليكم
المهم المقادير
بالخلاط
2 ملعقه كبيره بصل اخضر مطحون ناعم +2 فص ثوم مطحون ناعم+2ملعقه كبيره كزبره مطحونه +1 ملعق كبيره بقدونس مطحون+ملعقه صغيره باكنج باودر+جبنه تشيدر كبيره مبشوره + بيضه+1 بطاطس كبيره مسلوقه ومبشوره+ملعقه صغيره من كل من ملح كمون كاري + نص ملعقه صغيره فلفل اسود+كوب ماء
وبعدين تضيفينها على + كاس ونص طحين ابيض وممكن تزودين الطحين الى ان يصبح عجينه البان كيك
الطريقه
حمي زيت على نار هاديه وخليه الى ان يحمى بعدين خوذي بالملعقه وحطي بالزيت وقلبيها
ضروري تصير على نار هاديه علشان تستوي زين
انا قدمتها كل واحد له صحن ويحط اللي يبيه من الصوص والكاتشاب والخردل والجبنه البلو تشيز والمايونيز وعيالي كلوه بخبز مفرود يقطعون وياكلون
وابوهم خلاني احطها له بصامولي مع خلطة كاتشاب ومايونيز وشوي خردل وشوي من خلطة فلفلي اللذيذه
وبالعافيه مقدما
ام الكرم والجود @am_alkrm_oalgod_1
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
تسلم الايادي