السلام عليكم ورحمة الله وبركاته
انا اول مره انزل موضوع في القسم ,مو لاني رفلا,بس لاني لما اطبخ مااحب شي يعطلني ,يعني ابغى اخلص شغلي واطلع من المطبخ,والتصوير يبيله فضوه.
على العموم ربي سهل علي وقدرت القط كم صوره للاكله الي جبتها لكم فقلت انزلها في منتدانا حتى يستفيدوا الحبايب.
اول شي لازم يتوفر في البيت الاتي:
المطلوب:
صدور دجاج او اذا مافيه عادي تكون دجاجه مسلوقه
بصل مفروم
فلفل رومي مقطع وكعبات
ملح +بهارات+كركم+ذرة زنجبيل
ملعقه كبيره جبن سايل
ملعقه كبيره كاتشب
خبز مدور كامل غير مقسوم من النص
جبن كرافت مبشور
الطريقه:
اذا كان المتوفر صدور دجاج فتقطع مكعبات
اما اذا مافيه نسلق الدجاجه ونقطعها
(سامحوني الخطوات الاولى نسيت اصورها,بس ابشرحها لكم بالطريقه الي الكل يعرفها وهي طريقة الحشوه المعروفه)
نحمس البصل مع شوي زيت في تاوه لين يصير ذهبي.
نحط الجاج ونحركه سوى,ونضع عليه التوابل (الملح والبهارات والكركم والزنجبيل).
نضع الفلفل الرومي ونحرك.
بعد كذا نحط ملعقه كبيره من كلا من الجبن السايل والكاتشب ونحركهم الى ان يتجانسون.
ثم نقسم الخبز الى نصفين.
نفرغ الانصاف من الداخل.
نحشي الخبز بالدجاج .
نصفها في الصينيه.وننثر على اعلاه جبن كرفت المبشور.
وندخله الفرن نشغل العين العلويه بس
حتى يتحمر بس لايطول في الفرن حتى ماييبس.
وهذا شكله النهائي
يقدم مع البطاطس المقلي وحلقات البصل
بصراحه زوجي وعيالي يحبوها كثير
انتوا جربوها وبتعجبكم ان شاء الله
جربته بعد بالتونه اذا ماتوفر عندكم الدجاج او كنتوا مستعجلين ,بصراحه طعمه بعد حلو.
وعليكم بالعافيه
ادعوا لي بصلاح اولادي والفردوس الاعلى لي ولوالدي.
ودمتم.
