اكل المطاعم للحامل

انتبهي ياحبيبتي ..بحملي السابق االله يشفع به جتني نزلة معوية من اكل المطاعم بغيت اموت ...و بحملي هذا صرت انتبه اكثر و احاول ابعد عن المطاعم قد ما اقدر...

انتي زيي بالضبط .. انتي لاتعتمدي عليها بكل شي يعني فطورك انتي صلحيه مايبيلها ساندوتش بيض وشويه طماطم وخس والغدا اسباغيتي عالسريع والعشا من برا او الغدا من برا والعشا شي عالسريع يعني لاتعتمدين عليها تماما .. انا اغلب اكلي من برا والحمدلله مافيني شي بس ترا المطاعم اكلهم مو نظيف ويمكن مانشوف تاثير بس ياثر عالجنين ربي يسهل امرك وامري

حاولي تجيبي شغاله باليوم وسوي انتي بفسك الاكل وفرزنييه حق شهر وهاكذا كل مره والشغاله تساعدك

إذا الدكتور ما منعك من الحركة ليش تاكلين من المطاعم سوي عشاء وغداء وغذي نفسك وجنينك وبعدين إذا كنت سليمة ودايم جالسة يضرك ويضر الدورة الدموية عندك

شكلك بكر عشان كذا خايفة ...

توكلي على الله وشوفي الحريم ما شاء الله يداومون ويشتغلون ببيوتهم وعندهم أطفال صغار ياخذون منهم جهد كبير وما شاء الله يستمر حملهم للتاسع وزيادة\

يعني لا تبالغين بالراحة ..........

انا بالشهور الاولى مثلك والله يستر والحين بالخامس واطبخ بالبيت قد مااقدر لان اكل المطاعم يلوووع الكبد وش ماغيرتي من المطاعم والوجبات خلاااص يوصل معك حد تقرقفي منها وتكرهيها

الفطور افطري نواشف او توست مع كاسه عصير او حليب او كورن فليكس
فاكهه بين الوجبات الغدا جيبيه من برا بس الافضل حاولي تطبخي لو شي خفيف مكرونه او رز مع فيليه او ساندويشات دجاج يعني حاجات بسيطه ومنها تغيير واتركي الاواني على الشغاله

العشاء كمان حاجه خفيفه بيض مسلوق على الصاج بيض عيون نواشف مع سلطه بطاطس مسلوق او مشويه نقانق مجمده رز ابيض مع لبن اندومي