اكل صحي يقيكم من الامراض.....بأذن الله

السلام عليكم ورحمة الله
صباح الخير للجميع


احترت ايش اختار موضوع للي بأكتبه

قبل لابدأ بالموضوع لان العبرة تخنقني
اليوم فجأه زوجي فضفض لي
وقال اخته الكبيره تعبانه انا انصدمت واستغربت بالعاده مافضفض


قال اخته ........... عندها ورم في رقبتها
ولحد الان مايدرون حميد او خبيث
عمي ابو زوجي توفي كمان سرطان بالكليه وخاله كمان

انا يابنات ماحبيت ابكي قدامه تذكرت كيف تشوف عيالها
اكيد في راسها الف سؤال والدمع بعيونها
الحمدلله ع كل حال
اذا صار لها شي من يربيهم من يداريهم
الله يعافيها يارب ويكون حميد دعواتكم ياخوات لها ابنه حميد ويعافيها لامها المصدومه كل يوم تفقد
عزيز ع قلبها ويخليها لزوجها وعيالها
انه القادر ع كل شي

اسفه اني طلعت الي في قلبي وطولت عليكم


الموضوع ............
يبانات جالسه افكر واحس اكلنا مو صحي
دهون معلبات اكل اسواق
كسل مافيني اطبخ
وكل هذا وعيالنا لامناعه و
دايم تعبانين

فتحت هالموضوع كل وحده تقول تجاربها
كيف فطور عيالها
كيف طبخها لزوجها وعيالها
ايش الي غيرتيه في برنامجك وخليتي اكلكم صحي
وقت الاجازه الاسبوعيه ايش برنامجكم في الاكل
فطور الصباحي لعيالك ايش بيكون
انا حاسه اني مهمله عيالي


محتاجين برنامج غذائي صحي يقينا باذن الله من الامراض
والاورام
اسأل الله لايرينا ولايريكم مكروه في عزيز وغالي ع قلوبكم
وان يحفظنا لعيالنا وازواجنا واهلنا ويحفظهم من كل مكروه
وان يبعدنا عن كل مرض وشر يارب العالمين

وفي الاخير اسفه مره ثانيه ع الازعاج
ولاتنسون حماتي من دعواتكم

منتظره تجاربكم وطبخاتكم .........وشكرا لكل من قرأت الموضوع او ردت
وكل من دعت لحماتي بظهر الغيب