اكل للأب والأم...والعوايز...((تدخلو الجنة بسلام))

اول شي الله يشفي الوالد والوالده والله يخليهم لكم انشالله..
والله انا ماعندي علم بالطبخات هذي بس انشالله البنات يفيدونك..وليش ماتخلين اختك تعلمك وتساعدك على الطبخ؟؟

ينقل لأطباق حواء وان شاءالله البنات بيساعدونج

ولي رجعة معاج بأذن الله..

:26:

رجعتلج يالغلا باللي أعرفه وان ذكرت شي بعدين بعد برجعلج كله ولا شيابنا فديتهم..

الغالية بعطيج لكل وجبة شو ممكن تسويلهم.. وحتى بين الوجبات حطيلهم شي خفيف..

الفطور:

حليب..
التمر..
كورن فليكس بالحليب..
بيض مسلوق بس اذا يأثر عليهم ويوقفلهم بالبلعوم ممكن يكون مفتت ومخلوط مع جبن سائل..
خبز توست وفيه جبن وجام مسحه أو جبن وعسل.. ( الأحلى كيري لأنه أخف بالملوحة من كرافت)..
ممكن خبز من اللي يحبونه عاد انتي أدرى بالخبز الشعبي اللي عندكم..( والبنات ان شاءالله بيساعدونج فيه)


وجبة خفيفة:

فواكة ( الموز مهم جدا للكبار في السن عشان يمدهم بالبوتاسيوم - تفاح - برتقال - تين - عنب - ووووووو)..
عصير طازج ( موز بالحليب - تفاح - برتقال - تين - عنب - ووووووو)..


الغدا: ( لازم ماياكلون يوميا لحم لأنه فعلا بيأثر على صحتهم لكثرة الدهون وممكن يوميا سمك لأنه أنواعه كثيرة ومافيه مضرة الحمدلله بعكس اللحم والدجاج)..

رز ولحم.. ( خلي الرز لين شوي لهم )..
رز وسمك..
رز ودجاج..
رز ومرقة خضار..
رز ومرقة عدس وهذي طريقتي وايد لذيذة جربيها سهلة >>> اضغطي هنا


وجبة خفيفة (العصر):

فواكة ( الموز مهم جدا للكبار في السن عشان يمدهم بالبوتاسيوم - تفاح - برتقال - تين - عنب - ووووووو)..
عصير طازج ( موز بالحليب - تفاح - برتقال - تين - عنب - ووووووو)..
كريم كراميل..
مهلبية..
روب بالفواكة ( شركة المراعي وايد حلو )..
بسكوت خفيف أو كيك..
مكسرات اذا يحبونه..


العشا: ( خلي الشوربة رئيسية كل يوم مع شي ثاني معاه )

شوربة ( شوربة العدس وايد مفيدة لهم - شوربة طماط أو شوربة خضار بالكويكر ) لا تستخدمين شوربة ماجي الجاهزة ماتنفع..
رز أبيض مسكر مع روب ( زبادي )..
كورن فليكس وحليب..
بيض وطماط ( خلي الطماط أكثر عشان يلين )..
ممكن مهلبية دافية تسوينها وتقدمينها لهم دايركت وايد حلوة ومفيدة..
ممكن تحطيلهم لبن وتقطعين خبز معاه بعد حلو..
توست بجبن وجام أو عسل..
فطاير أو بيتزا ..


الغالية انتي سويلهم اللي تعرفينه وترى الكبار مايغلبون مثل الصغار وطبعا خبريهم الدوا مايمشي بدون أكل.. لأنه بيضرهم بدل لا ينفعهم واجلسي معاهم وكلي وياهم من اللي تسوينه..

والله يخليلج اياهم ويطول بعمارهم فديتهم.. وبعد اسألي اختج عن اللي كانت تسويه لهم وان شاءالله خير يالغلا..

والخوات بعد مابيقصرون وياج.. وحياج حبيبتي..

الله يسعدك ويفرج همك

السلام عليكم ,,هلا اختي ,, الله يأجرج ويعطيج على قد نيتج ..حاولي ادخلين لهم اللبن في الاكلات ..العيش واللبن كوجبة عشاء او غدا ..واسألي اختج وشكانت تسوي لهم ..خذي الطرق منها بالتفصيل ..والله يعينج اختي :26: