اكل للأب والأم -والعوايز...((تدخلو الجنة بسلام))--

الله يهديك بس هذولا والديك لازم تجاهدي عشانهم

اسلقي لهم الرز وا ضيفي عليه شوي من زيت السمسم عشان مايتلصق وزيت السمسم يساعد على خفض مستوى الكلسترول

طيب انتي قولي لنا وش يحبون ياكلون عشان نقولك الطريقه ....وغير كذا المفروض تكلمي اختك وتسألينها

وبعدين اكلهم الصبح جدا ممتاز وهالشيء مفيد لهم

واي سؤال ان شاء الله مانقصر

بس لاتنسين الله الله ببرهم

انصحك تشترين كتاب رابحه الجديد عن الاكلات الشعبيه كلللها فيه

وكبار السن يفضلون المسلوق اكثر شي يعني قطعي كوسه وجزر وبطاطس وشوية كرنب واسلقيها وحطي شوية ملح

والله يعينك ويعطيكي العافيه على اهتمامك بوالدينك

سوي لهم جريش والله سهل مره بس لاتحطي سمنه لانها ترفع الكولسترول

هلا اختى اولاكلمى اختك وشوفى ايش كانت تطبخ لهم وسوى مثلها شوفى فطور سوى لهم مصابيب مع حليب والغدا والعشاء نوعى جريش او مرقوق اومطازيز اوخبز مصابيب وتشربينة مرق مع خضاراوخبز لبنانى اللى عادى وتشربينة مرقة خضار وتطبخينة شوى على النار وسوى سليق مع خضار وتصبين لهم لبن علية حلو راح يحبونة وجيبى قرصان يابسة وسوى مرقة وحطيها عليها ودخليها الفرن شوى والمرق بكل الحالا ت ان بغيتى تحطين لحم اودجاج وعلى فكرة فية مطازيز جاهزة جيبيها اذا ماتعرفين تسوينهاوالبن ضرورى لهم مع الغدا وافضل لك جيبى شغالة تجيد الطبخ وعلميها وتساعدك لان الكباريبون عناية واهنيك بالاجر وبريهم واقعدى مع امك وهمزى ارجولها وخمميها تفرح بهذا واجلسى معهم وسولفى وقهويهم والله ماتلقين احسن من جلستهم وسوالفهم وشوفى دعواتهم لك الله يخليهم لك وانا الله يشفى ابوى ويرحم امى واوصيك ببرهم واهنيك بالاجر والثواب

اولا اهنيك على ضميرك الحي وصدقيني فيك خير وماازكيك على الله والدليل موضوعك الان ... اسمعيني عزيزتي وضعك مشابهه ىلوضعي لحد ما فانا ايضا اعيش مع والدي وحيده ... والبر اولا واخير توفيق من الله فاسال الله العلي العظيم ان يوفقنا جميعا للعمل على رضاهم ويسخرنا لبرهم على الوجه الذي يرضاه علينا ويكونون سببا في دخولنا جنات النعيم ..
ثانيا: عليك بالدعاء ثم الدعاء ان يعينك الله وييسر امرك لبرهم ..
ثالثا: عليك قبل الخوض في عمل اكلهم وشربهم وانا لااقلل من اهمية ذلك الا ان عليك اولا استمالة قلوبهم فمتى ما ملكتي قلوبهم قدرتي على اطعامهم واشرابهم ... واستعملي كل فنونك في البر وانا اراك بهمة عالية فالله لن يخذلك فمثلا ابداي بعمل جديد معهم لست معتادة عليه (اذا لم تكوني تسلمين عليهم وتقبلين رؤسهم وايديهم صباحا عند استيقاظك) مثلا فليكن برا جديدا تبدئين به وهكذا ... ارقيهم بالمعوذات واية الكرسي صباحا وبعد العصر .. ابحثي في ابسط الامور والله لن يخذلك ..
اسال الله ان يعينك ويعيننا على برهم وييسر لنا طاعتهم ويحفظهم لنا ويمد في اعمارهم بحسن طاعة وعمل انه على ذلك قادر .... ودمت بــــــــــــــارة