ماحب المقدمات
....
:mad:
كثير منكم عنده خير ونعمه ومع ذلك يتذمر من حالته ماعندنا نبي ونبي
طمع والا وشو
الملك ماقصر الحمدلله فيه حاجات كثيره تساهل فيها زي امور السكن والمرأه وزياده الرواتب
..
بس بعضكم عنده خيررر ياربي لك الحمد بس دايم يخلون نفسهم فقراء تقولين ميتين جوع ماعليهم لبس وهم ماشاء الله يشترون شي اكثر من حاجتهم بس عشان المظاهر
صح كل شي غالي بس بعضكم يبي شي فوق مستواه المادي خلاص كل واحد يمد رجليه على قد لحافه
وشوله التفشخر باللبس والسكن والاكل وغيره وغيره وضرب بالفلوس
واللي يقهرني يقولون ماعندنا ماعندنا وهم كل اكلهم من المطاعم ارخص وجبه بـ 12
ولبسهم ماركات غاليه فيه اسواق اسعارها معقوله ليش تدورون الغالي وتفلسون بسبب التفشخر ويعنني
ترى كل هالماركات اللي تحسبونها ماركه اغلبها تقليد لايغركم يعني
هذاك اول الماركات صح اللحين لا درجات
نجي للخدامات اللحين يومكم تقولون ماعندنا شي ليش الخدامه والسواق ! انتم تشوفون انهم من الضروريات لا طبعا الا عجز وكسل فيكم
و ليش الجوالات بس يطلع جوال جديد تروحون ركض تشترونه من غير عاد شحن البطاقه كلها سوالف وسماجه يعني تضيعون فلوسكم على سواليف يعقل هالكلام ! يعني نقول حتى الكلام صار بفلوس !
عموما زبده موضوعي اللي تقول ماعندنا شي وفري يااختي كل هالحاجات اللي قلتها مالها داعي والغالي ابعدي عنه فيه شي رخيص واحسن من الغالي ماركه او لا كله واحد محد بيدري ترى وعلى فكره الماركات كلن يلبسها اللحين او انك اشتري شي معقول و مافيه داعي للفشخره
وفري واقتصدي بتشوفين نفسك اغنى الناس اما انك تفسفسين فلوسك على خرابيط وعشان المظاهر بعدها لاتشتكين الفقر
وانا ماشاء الله الحين اشوف اغلب الناس بخير ونعمه حتى الفقراء اغناهم الله لو فعلا فقراء ماشفناهم يلعبون بالفلوس لعب ميخالف متعوا نفسكم بس التوفير والاقتصاد مطلوب
واحمدوا ربكم واشكروه على خير الله قارنوا نفسكم قبل سنين واللحين وقارنوا بينكم وبين اللي ماعندهم لقمه ياكلوونها بتلاحظون ان حالتكم زينه وراهيه
وهذا حال الناس طبقات غني وسط فقير مو معقول نقول الا نبي نصير اغنياء خلاص الواحد يرضى باللي عطاه ربي طالما ياكل احسن اكل ويلبس احسن لبس وكل شي الحمدلله خلاص وش يبي اكثر لازم الطمع لازم الكلام والتشكي لدرجه ان بعضكم يشحذ !او يتدين
اللهم لك الحمد على جميع النعم اللتي انعمت بها علينا الله يجعلها دايمه
يلزم عليك تسجيل الدخول أولًا لكتابة تعليق.
الصفحة الأخيرة
وبصراحه بعضنا يخرب بعض اي والله تجيك وحده تتمظهر وتشتري وتغير لان ربي منعم عليها
والثانيه تقول ليه اجل انا اقل من فلانه لين تظطر كل وحده تظهر فوق مستواها علشان ما تصير اقل من الثانيه وهكذا
الله يستر ويرزقنا القناعه بس جد كل شي صار نااااااااار الله يكفينا شر المسؤلين