ياختي مايصير تتركين زوجك
وتباعدي بين اطفالك وابوهم عشان دراسه
خلي لما يكبرو اطفالك وزوجك اقتنع تدرسي ادرسي
والله اعرف حريم ماشاء الله عيالهم بالجامعه وهم يكملو الدراسه
ربي ييسر امرك ويكتب لك الخير والتوفيق

رفعتوا معنوياتي يابنات انا مشكلتي لما نتكلم نتكلم بهواش يمكن اسلوبي هو االي مخرب علي ويمكن هو عناد لان دخلت اهلي بالموضوع اختي طفله حنونه مايبي ادخل احد بينا يبي احد هذا الحلين وانا مفكره بعيالي اولا واخيرن انا عندي اخت مطلقه عندها بنت والله لما تشوف عيالنا مع ابوهم تكسر قلوبنا ونتقطع عشانها مابي اشوف هذي النظره بعين اطفالي واتعذب واكون انا اللي شتتهم بالاخير الناس بتقول هي السبب وبيكبرون ويسمعون هالكلام ويلوموني

من جدك بيطلقك عشان دراسه ؟ اكيد بس يخوفك لو يحبك و يحب عياله مايطلق انتي ادرى بزوجك ولو شافك مصره بيغير رايه عن الطلاق بس يهدد ،،، وبعدين يوم انك دخلتي ابوك واخوانك بالسالفه وقلتي انه خلاك مدري اش قصدك خلاك عند اهلك و لا كيف بس مفروض مارجعتي ولا رضيتي الا لما وافق على شرطك الي اساسا هو بعقد النكاح يعني حسافه دخلتي اهلك بالسالفه وكبرتيها ولا شرطتي عليه يوافق شهادتك اهم شي حتى لو ماتوظفتي من الحين من غير شهاده حرام والله دراستك تروح على الفاضي عشان زوجك اصري على موقفك واذا شافك جاده و مو خايفه مشتحيل يطلق قولي اذا بتطلقني عشان حق من حقوقي وسبب زي كذا فا على الدنيا السلام

 للأسف كلامك مو منطقي انتي تبين تكملين دراستك ومتفقين انو مافيه وظيفه ليه تكملينها من الأساس...
حبيبتي احفظي بيتك وعيالك وعيشي بحب وسلام مآ حصلنا من ورى الدراسه شي 

انا عندي طفلين ورافض الدراسه ومازلت اسجل من وراه
ودائماً اقول له اذا بطل شرط من شروط الزواج بطل الزواج كله

لان الزواج قايم على هالشروط بس للامانه ماخيرني للحين لانه مايدري اني اقدم من وراه
وهو يبي يكمل ويقدم بس مايبيني اكمل بحجة الطفلين
لو كنت مكانك عندي حلين
الحل الاولى اعقلها واتوكل واذا ربي كاتب نستمر سوا بنستمر لان اتوقعه مجرد تهديد لا اكثر

الحل الثاني
ادرس انتساب و وقت الاختبارات اروح لاهلي وهذا الارجح " طبعاً بدون علمه "

بس طبعاً انا متهوره وبأخذ الحل الاول 😅

الله يسهل دربك ويسخر لك زوجك ادعي له