السلام عليكم ورحمة الله وبركاته
كيفكم بنوتات؟
وكل عام وانتم بخير قبل الزحمة
نبدا موضوعنا بسم الله
انا عندي اكياس البقالات الشفافة بكل درج واكياس السوبر ماركت
ولما تحتاجي واحد تلفي على كل الادراج حتى تلاقيها:09:
وانا استعملها لحفاظات ولدي المستعملة الله يكرمكم
واعذروني على رداءة التصوير تصوير جوال :42:
فخطرة ببالي هالفكرة يلا شوفوا معاي
1- الادوات
متوفرة بكل بيت
كرتون السفرة اللي يجي جوات السفرة
مقص - غراء مسدس- سكين- تجاليد ذاتية اللصق-ورقه-قلم-شريطة - ورود لزوم الزينه:26:
يلا نبدا بالخطوة الاولى وناخذ الكرتون
ونرسم مستطيل بطول الكرتون من فوق وتحت مع ترك 5 سم من الاعلى و10سم من تحت ثم نبدا برسم المستطيل
ويكون عرضة تقريبا 5 او4سم
والصورة توضح
ونقص هالمستطيل ونفرغه من بالسكين حقت الفاكهة اللي يسموها منشار
وهنا بعد ما فرغنا المستطيل
بنوتات في خطوة نسيتها سامحوني
اللي هي بالورقه ناخذ الورقه ونقفل الكرتون من تحت ونلقها بالغراء عشان الاكياس ما تنزل من تحت
وهنا بدات اجلدها وجلدتها بقطيفة بيج
وهنا اكتمل العمل وحطيت لها ورود من تحت وشريطة وعلقتها بالمطبخ ومليتها بالاكياس
وهنا صورة قريبه من تحت ومبين انه مقفلته بورقه وعليها التجليد
والحين اذا بغيتي كيس بس تسحبي الكيس
واذا بتضيفين كيس تحطينه من فوق
وان شاء الله تعجبكم واشوف تطبيقاتكم عليها