ادم و حواء :

السلام عليكم ورحمة الله وبركاته الله يعطيكم العافيه دايما اشوف مواضيع للعضوات ويذمون بأسعار التاجرات ويتهمونهم بأنهم جشعات وطماعات وانا كوني كتاجره حابه اقارن لكم بين اسعار السوق واسعارنا في المنتديات وانا شايفه اسعارنا لاتقارن بالسوق بل بالعكس اسعارنا ماتجي ربع سعر السوق وأقرب مثال جبنا حامل المعجون ومن اول ماجبناه كان سعره 40 للمفرق و35 للجمله والحين وصل سعره 20 ريال لا ونعطي فوق هدايا بعد بينما روحوا الأن على ساكو وبتلقونه 69 ريال ,,,,,,عجبي جايكم الى عندكم ولباب البيت وبرسم الخدمه بعد وأرخص في حد ذكر هالشي وذكر ان التاجرات ارخص لا بل بالعكس دايما مانشوف منكم الا التهم جبنا لكم الحاجز الأمن عن الحشرات والغبار ونبيعه مفرق 25 وبالجمله 20 ريال ..روحوا الأن الى ساكو وبتلقونه 49 ريال .... طيب نجي للفافات الكيرلي هذا مالكم فيه حق وفرناه قبل السوق حاله حال كثير من المنتجات احنا اللي نبحث على التميز وتجار السوق بعد ماياكلون راسهم الحريم من الزن ويسألونهم يقوم التاجر يكلف احد منهم يشترونه من النت ويرسلونه للتاجر ويقوم التاجر مشكورا بالطلب بأسرع وقت علشان مايفوته هلمنتج يلي التاجرات تكفلوا بالدعايه والأعلان وهو يجي يبيعه على الجاهز لأنه هو علشان يسوي دعايه واعلان على المنتج يدفع الاف بس هنا جاته الدعايه على طبق من ذهب والمنتج مطلوب نرجع للكيرلي من اول ماتوفر الكيرلي وسعره ثابت وماتغير وانا اقولكم هلكلام لأن انا اول من جاب الكيرلي والأختلاف اللي نزل فيه شي بسيط لأسعار الجمله مو للمفرق واسعار المفرق للشعر المدرج 15 ريال والطويل جدااا وهذا غير متوفر بالسوق 25 ريال وغير الحصاله منتج غير متوفر في السوق العلاق العجيب غير متوفر في السوق كورة الغسيل متوفره بالسوق ب 200 ريال وتوه نزلت عند الغثيم 60 ريال واحنا صارلنا تقريبا سنه نبيعها 40 ريال منظم الأحذيه غير متوفر في السوق المكنسه العجيبه وفرناها 120 ريال وروحوا اشتروها من يومارك 260 ريال وكثير من المتنجات وراح اتعب وانا اقول لكن الباف مثل ماقالت وحده من الأخوات في امريكا لغاية الأن سعره 80 ريال بينما في السوق السعودي صار سعره ريالين ... للأسف احنا مانقدر المنتج ومانهتم بالجوده لمن تتكلمون عن غير فهم بالأسعار وبس القاء تهم وانتي حرمه حالك حالنا وعارفه مسؤلياتنا المنزليه وحياتنا الأجتماعيه ضيفي عليه شغلنا وبحثنا المستمر لأجدد المنتجات ومتابعه الطلبات والشحن لك وانتي جالسه بالبيت وموفرين عليكي وقت وجهد تعتقدين مانستحق منك كلمة شكر وأمتنان صحيح ان هذا عملنا ومن وراه البيع فايدتنا لكن لمن نقرا الانتقاد المستمر هذا الشي يحطمنا وماراح يعطينا دافع ان نستمر ونوفرلك الأجدد والأجود وانتي جالسه ببيتك كثير من المنتجات اغلى بكثير في السوق وانا شايفه ان التجاره الألكترونيه من كثر تكسير الأسعار صار مايجيب همه وانتوا تطالبون بترخيص السعر غريبه همسه بأذن كل عضوه ..... الحمد لله ان توفرت هلتكنولوجيا اللي وفرت لحريم العمل والكسب الحلال وممكن تكون تعيل ايتام ولا تكون ارمله وراها اعيال ولقت لها الطريقه اللي تشتري وتبيع بالحلال من غير ماتمد يدها لغريب وعلى فكره كل تاجره ملتزمه وصارلها فتره تتاجره من غير ماتمل ولا تكل معناته هي محتاجه لهالعمل لأن عملنا متعب لأبعد ماتتخيلونه وانتي بعد توفرت لك البضايع من كل البلدان وانتي جالسه ببيتك وتتفرجين وتختارين وتساومين وماشاء الله التاجرات صاروا دايما يبحثون عن الجديد لك ودايما بضايعنا مميزه وانتي عارفه ومتأكده اقلها مشوار من هالمحل لذاك المحل يبيله وقت وجهد وصارت البضايع الأوروبيه والأمريكيه والتركيه ومن كل حدب وصوب وأشكال والوان تحت ايدك بضغطة زر اتمنى ان نقرا منكم اقلها اسلوب تشجيعي لجهدنا وتعبنا علشان نستمر ....... لحظة تأمل تخيلي معي لو خلت المنتديات من قسم تجاري اومول ,,, :42: لاتستبعدون هالشي طالما انكم مو راضين عن التجاره الألكترونيه ودايما يكون فيه انتقادات ولوم للتاجرات بيجي اليوم اللي راح يكون العمل فيها صعب ومو جايب همه صح ولا لأ

السلام عليكم ورحمة الله وبركاته الله يعطيكم العافيه دايما اشوف مواضيع للعضوات ويذمون بأسعار...

واخيرا :

لفافات الكيرل ي ب 15ومشط البف ب3 ريال بالحياة مول في الدور الثاني في محل الشايع

لفافات الكيرل ي ب 15ومشط البف ب3 ريال بالحياة مول في الدور الثاني في محل الشايع