هلابك اختي اسال الله ان يزيح الهم عن صدرك استعيني وتوكلي ع الحي القيوم ربي كريم وبعض الدكاتره هداكم الله ماعندهم اسلوب ماعليك منهم علقي امانيك واحلامك بالدعاء بالسجود وربي بيكرمك لامحال

يااختي الله يفرج همك ويريح بالك
انت مشكلتك بالغذاء لو غيرتيه امورك بتزيين من غير دكتور حتى الغده بعد الله تتشافين منها لو اتبعتي الطريقة الصحيحه انا هنا راح اكتب لك تجربتي مو كلام منقول
بعد معاناة خمس سنين من لخبطة الدورة والهرمونات التكيس والاكياس المائية والدمويه
الحمدلله انقطعت وانتهت وبأذن الله بدون رجعة
اتبعت نظام غذائي صحي لأخصائية التغذية ريم العنزي وبدون ماازورها جمعت تجارب البنات من هنا من هذا المنتدى والمنتديات الثانيه ومن حساب الاخصائية فالانستقرام والسناب شات
واللهم لك الحمد حملت بعد ارادة الله وبدون مااراجع اي دكتوره بعد كورسات ومعاناة من الابر والمنشطات و و و الخ


النظام يعتمد على نقاط بسيطة بحاول الخصها لك
اول شي مقاطعة منتجات الالبان والاجبان بشكل كااامل بالذات بالذات الجبن واللبنه
مقاطعة الدجاج والبيض بشكل نهائي
تعتمدين على الخضار والفواكه
وتركزين على اكل وشرب الاغذية الغنية بالنحاس
( الكبده والكاكو المر وشرب القرفه والبردقوش الكوسا القسط الهندي الزبيب الاسود القراصيا المراميه عصير الجزر الكركم )
اشربي على الريق منقوع التين ليلة كاملة وضيفي معاه التين والزبيب والمشمش المجفف والقراصيا الصباح اخلطيها واشربيها او صفيه خرجي الفواكه واشربي المنقوع فقط لان الفايده فيه


ضروري ضروري تسوين مصل اللبن وتشربين كاس بعد كل وجبة يعني 3 مرات فاليوم سوي جك اللبن الكبير يجلس من 3 ايام الى 5 ايام فالثلاجة وتخلص الكميه وسوي من جديد
هذا اهم شي عشان يمد جسمك بالمغنيسيوم ويعوض جسمك عن النقص
ذكرت لك اهم النقاط اللي لازم وضروري تتبعينها بالذات الاشياء اللي تقاطعينها


وتقدين تدخلين هاشتاق #حالات_ريم فالانستقرام
وتقرين تجارب الناس بعد مااتبعوا نظامها الغذائي وكيف ساعدهم النظام بعد الله بان تضبط هرموناتهم و كثييييرررر حملوا بعد سنين من الانتظار ويرسلون لها تجاربهم وهم اتبعوا نظامها زي ماانا اتبعته من غير لا يزورونها او يوصلون لعيادتها
الان هي سوت لها مدونة تتكلم فيها عن نظامها بشكل مفصل ودقيق من تجارب الناس اللي يرسلونها لها
ابحثي فقوقل وراح يطلع لك كل شي
الموضوع سهل وبسيط فوق ماتتصورين هو نظام حياة لو غيرتيه بتزين اموورك بأذن الله
اذا احتجتي اي شي انا موجودة

سوي حجامة هذا اولا
ثانيا روحي لدكتور غدد وضبطي غدتك وبتضبط الهرمونات ان شاءالله
ثالثا عليك بسورة البقره والمعوذات وشرب مويه زمزم بغرض الشفاء والأكياس هي تنزل لحالها ان شاءالله وبتحملين باْذن الله دعواتك ربي يحقق لي امنيتي ويرزقني بنيه بحمل طبيعي🙏🏻🙏🏻

ربنا يطمن قلبك ويفرج همك ويرزقك كل خير

جلست فترة ماحملت وقلت بروح للدكتورة تشوف ايش المشكله عنديٍ


وتسوي لي سونار وتحاليل ومادري ايش


قالت لي انتي ماعندك تبويض ابدا اصلا المبايض ماتنتج عندك متوقفه
وعلشان تحملين يبيلك معي علاج طوييييل يادوب سنه او سنتين


وطلعت منها محبطة ويائسة وماعاد رجعت لها
وكنت دوبني مخلصه الدورة يعني كنت طاهرة المهم في نفس الوقت كنت رايحة زيارة لخالتي الا القى عندها حرمة ترقي وكانت جايه ترقي خالتي لانها تعبانه وقالت لي تعالي بقرأ عليك قلت لا انا مافيني شيء قالت تعالي مانتي خسرانه وهي تبدا بالرقية وانا اتعب واتأثر وحالتي حاله وقالت انتي مره تعبانه تحتاجين رقيه تعاليلي في البيت ورحت لها اربع مرات بنفس الشهر وكل مره اروح اتعب واتأثر والحمدلله على كل حال واخر مره رحت قالت خلاص المره الخامسه تعالي اذا نزلت الدورة كم باقي عليها قلت تقريبا خمس ايام قالت خلاص تعالي اذا نزلت وانتظر وانتظر وياربي هذي شفيها ماجات ويعدي اسبوع على وقتها ماجات وكنت شايله الحمل من بالي لان الدكتورة خلتني اتحبط بقوه ولاني تعبت وانا ارقي واصلا زوجي ماجامعني ذاك الشهر الا مره المهم لما تأخرت واشتري تحليل والمفاجأة اطلع حامل 😭 وجبت اجمل ولد في حياتي الله لايحرمني منه والحين عمره سنتين واربع اشهر وحامل بالثاني بشهري التاسع انتظر الولادة ياربي لك الحمد


الي ابي اوصله لك كلام الدكاترة ماهو ذكر محكم علشان نؤمن فيه انسي كلامهم واعرفي ان لكل داء دواء دامك عايشة
تسببي وروحي لدكتور ثاني اشطر وشوفي
والحاجة الثانية العلاج بالقرآن لاتهملينه وننزل من القرآن مافيه شفاء ورحمة للعالمين


والدعاء الدعاء والله كنت ادعي وانا موقنه ان ربي بيقبل دعائي والح في الدعاء لاني مريت في اوضاع وانا ارقي مايعلمها الا الله تعب وضيقه ومشاكل مع زوجي والحمدلله ربك كريم ومابعد الضيق الا الفرج


ماعليش طولت عليك لكن لان شكواك لامست شيء بقلبي مريت فيه


الله يرزقك عاجلا غير اجل ويفرح قلبك بما تتمني