اتمنى اللي مجربة بالدمام بسعر معقول تحكي لنا ولها دعوة

رفع

بكتب ردي لثاني مره مع ان اول مره كتبت تجربتي انحذف الموضوع !! منتدى يقهر يخليني اتحسف اني قلت تجربتي


انا من الشرقيه واسويه في جولي دام بالعقربيه مع وحده فلبينيه

سوت لي كوورس كامل لمدة 5 اسابيع

8 جلسات ال بي جي
3 جلسات "كيسي" جهاز تكسير دهون زي الكهرب
4 جلسات لف حراري عشان يطلع الدهون والسوائل

كل هذا ب 2500 .. واللبس 100 ريال ..

طبعا كل وحده لها كورس مختلف

انا للاسف ما اسوي رجيم ولا اسوي ريااضه طبعا هالشي غلط ومفروض استغل الفرصه بس انا دايم كذا ..

خلصت الين الحين 3 اسابيع بقا لي اسبوعين وقالت بتعطيني جلسات مجانيه بس ماعرف كم جلسه !!

بالنسبه للنتايج

الزوايد الي فوق المؤخره تقريبا مابقا منها الا 20% الحمدالله وماشاءالله
فخووذي احس تغيرت شووي وصغرت .. السيلولايت لسى احس ماحسيت بفرق كبير ..
اكثر شي حسيت فرق معاي هو الدهون الي فوق المؤخره بصراحه .. كرشي شووي خفت ..

وبصراحه ماعرف احكم ع روحي !! اخذت كم صووره لي قبل وبعد بس ماعرفت احكم !! مافي شي مختللللللللف تماما عرفتي !! بس اذا شفت نفسي بالمرايه احس شوي اختلاف !!

بس بصراحه انصح كل وحده تبي ترتب جسمها وماعندها اكثر من 10 كيلو ع الوزن المثالي انها تسويه

اذا يبي لك اكثر من 10 لا لاتسوين .. انا وزني حاليا 70 والمثالي 60 والحمدالله فرق معاي شوي ..

على فكره تراه مايشد ال ال بي جي بس يرتب الجسم يفكك الدهون الي متجمعه بمكان واحد ..

و ب اخر الكوورس بتاخذ مقاساتي ويارب اكون ناقصه كثير .. طبعا لازم ازيد رياااااااضه واشرب مووويه واخفف دهون وانا مو مسويه ولا واحد من هذول :(



دعواتكم

ممتاز جدا اذا حافظتي بعده على الاكل الصحي والحميه المناسبه والرياضه
ولاتسمعين من وحده ماعندها وعي اذا سوته خلاص اكلت بعده الاخضر واليابس وترجع تعيب وتسب فيه
اذا ناويه تسوينه توكلي على الله

انا جربته مرتين ميزته يرتب الجسم ترتيب يجنن بس اذا ماحافظتي ورجعتي تاكلين بدون رجيم وتركتي الال بي جي يرجع كل شي زي ماكان بسرعه طبعا يخفف السيولايت بقوه ويصغر مقاسك بس الوزن مو ذاك الزود ينزل الا اذا مسويه رجيم قوي فينزل بسبب الرجيم مو بسبب الال بي جي اذا بتسوينه اذا خلصتي لاتتركينه اذا بتحافظين على الاقل سوي مرتين بالشهر علشان مايرجع يروح كل اللي سويتيه .