فرناز @frnaz
عضوة شرف في عالم حواء
اكيد اللي مشغلني مشغلكم واللي مخوفني مخوفكم ؟؟
هلا بالغاليات
بنفسي شي واتمنى اقوله لكم ...خايفه من امور واكيد انتم مثلي ،،
لازم نتعاون ونتساعد عشان مواضيعنا ماتضيع وتكون شاهده لنا لا علينا ؛؛؛
احيانا تكون الخاتمه لبعض الناس خاتمه حسنه ياعلى سجادته او وهو يقرأ قرآن او غيرها ..
مثل الغاليه رحمة الله عليها حبيبة زوجها ،، توفاها الله وهي تتوضئ للصلاة ،،
( انا هنا قلت حبيبة زوجها مثال لحسن الخاتمه والا مااعرفها ولا اعرف شي من اعمالها
يعني كلامي اللي بقوله الان مااقصدها )
رغم انك لو شفتي حياة وظاهر اعمال بعض من ختم لهم بالخاتمه الحسنه ماتلاقين عنده
زود اعمال وتقرب الى الله ؟؟
لكن ممكن الشخص يكون عنده عمل بينه وبين الله مافي احد يدري عنه هو اللي ثقل حسناته
مثل ماقال الشيخ المغامسي حفظه الله :
( حياة السرائر صورة لحياتك البرزخيه ،، الانسان اذا كان في السريره يسجد ويدعوه
ويعظم الله في ظلمة غرفه او في ظلمة سفر و يعظم الله جدا في السرائر
ويخشاه ويخافه ، هذا غالبا منعم في قبره ،،،
اما الذي نسأل الله العافيه في السرائر مسرف على نفسه فهذه صوره لحياته بقبره ،،
ولابد ان الانسان يبحث عن طرق عديده تحي قلبه ومن اهمها عدم احتقار الناس ،،
واكثر من يتأمل الناس يجد فيهم حفظا ومنفقين وفقهاء ولكن يجد في نفسه والعياذ بالله
علو على الغير ..قد العلو هذا مايصرح به ونجده يتكلم عن التواضع ويذكر امثله واشعارا ..
ولكن في حياته اليوميه وعند مخالطته للناس يظهر منه ،،
في انسان قد يركب سياره فارهه ولكن قلبه منكسر ،،
وفي اللي يمشي على قدميه وفي قلبه من الكبر والعتو مالله به عليم ..)
فكل شي يعتمد على السرائر ،، ولا نقدر نحكم على شخص من ظاهره او كتاباته بالمنتديات ..
واحيانا يهلك الانسان وتضيع اعماله وحساناته من العُجب بالنفس او العمل ،،
فالشيطان جالس لنا ويجري منا مجرى الدم ..
طيب تتوقعون في احد بالدنيا ضامن نفسه مايدخله العُجب والغرور وشوفة النفس ،،،؟؟
طبعا لا مافي احد ضامن نفسه .. والرياء ممكن يكون في الشخص وهو مو داري الله يستر علينا ..
فرجاء اخواتي طالبتكم اي موضوع ديني الافضل مانمدح ونثني بزياده على صاحبته ،،
انا عن نفسي مااضمن يمكن اليوم وبكره اكون ثابته ولا يأثر فيني الكلمات اللي تقال ؟؟
بس ممكن مستقبلا ومره مع مره يدخلني العُجب ،، ويضيع الاجر ؟؟
كثير ناس مااهلكهم وضيع اعمالهم ودعوتهم الى الله ،، الا الرياء ،،
أن الرياء أخطر الأمور التي حذر منها النبي صلى الله عليه وسلم وتكمن
خطورة الرياء في أنه أخفى من دبيب النمل :44:
كما قال النبي صلى الله عليه وسلم:
( أيها الناس اتقوا هذا الشرك، فإنه أخفى من دبيب النمل،
فقال من شاء أن يقول: وكيف نتقيه وهو أخفى من دبيب النمل يا
رسول الله؟ قال: قولوا: اللهم إنا نعوذ بك أن نشرك بك شيئا نعلمه،
ونستغفرك لما لا نعلمه. )
رواه أحمد.
فأفضل شي يُقدم لصاحبة الموضوع هو الدعاء ،، يالله ياهو يشرح الصدر ،، ويسعد النفس ،،
مافي اجمل من دعوات صادقه من اخت مُحبه ... والله اننا بأشد الحاجه لدعوات بعضنا ..
اسأل الله ان يسعدكم سعاده لاتشقون بعدها ابد ..ويرزقكم الفردوس بدون حساب .
اما اذا كان الموضوع عادي مايدخل بأمور الدين هذا بالعكس حلو نشكر صاحبة الموضوع
ونمدحها ونقول كل اللي بنفسنا من اعجاب ..:)
والله يالغاليات الواحد مقصر ماقدم شي اليوم يبدأ وينتهي وهو لاهي بحياته :(
الصلاة الله يغفر بس ،، بدون خشوع ؟؟
نوافل وتقرب الى الله وقراءة قرآن الله يعلم بالحال ؟؟
والله ماشاء الله اشوف ناس فعلا يفكرون بالاخره وقتهم يستغلونه صح ،،
صيام وقيام وقراءة قرآن وذكر ،،
اسأل الله ان يزيدهم ،، ويرزقني واياكم من فضله .
73
2K
يلزم عليك تسجيل الدخول أولًا لكتابة تعليق.
(نوووشه)
•
اللهم امتني ساجده وابلغني منزلة الشهداء وادخلني الجنه بلا حساب ولا عذاب مع السبعين الف وارزقني لذه النظر إلا وجهك الكريم اللهم انك عفو تحب العفو فعفو عنا اللهم اطل في اعمارنا على طاعتك ومدد في رزقنا حلال طيبا مباركا واجعلنا من عبادك الشاكرين بكل جوارحنا ويامقلّب القلوب والابصار ثبت قلوبنا على طاعتك
الصفحة الأخيرة
بوركتي عالطرح اخيه
دائما مواضيعك مميزة
واللهم احسن خاتمتنا