اكيد فيه فوق ال50 واكثر لم ينجبن وصبروا وعاشوا حياتهم راضين بما قدر الله

موضوع جميل 

اعرف وحده  في شبابها تزوجت كذا مره ولاانجبت وتزوجت زوجها الحالي وهو كمان كان متزوج كذا مره في شبابه وراحو للعلاج خارج المملكه بس مالله كتب لهم  واللحين اعمارهم بالستين او السبعين وعاايشين وسبحان الله الرجال فيه اعتماد ع نفسه بشكل فضيع يسافر من مدينه لمدينه لحاله رغم انه شااايب بس تعود الاعتماد ع نفسه بما ان مااعنده عيال ،،

اغلب اللي اعرف يرزقون باطفال بعضهم بعد سنوات كثيره اسال الله ان لايحرم احد من هذه النعمه ويرزق بنات المسلمين اجمعين ،،

انتي الاجمل
اشكرك اختي الغاليه على ذكر القصه .. اسال الله ان يبدلهم سعادة الى قلوبهم وربنا مايضيع عباده .. اسال الله ان يرزقهم القوه والنشاط ويسعد قلوبهم بمحبته ورضاه عنهم
وكل من على حالهم .. سبحان الله ربما هو خير لهم
تجديهم شباب لم يهتموا ولم يغتموا بقسوة ابناء ولا فراقهم ولاتعب في التربيه والنتيجه عكسيه .،!

من تعرف امراه كبيره لم ترزق بابناء وليس لها معين تخبرني بها
باذن الله انا وزوجي نخدمهم ونكون ابنا لهم ونكون تحت امرهم ..! فيكفينا وجود كبار سن في حياتنا
فهم البركه وهم جمال الحياة
يكفينا دعواتهم والسعادة بخدمتهم ....
ارجوووكم لاتحرموني الاجر .

انتم اخواتي من ترى نفسها قادره على هذا الشي فلا تبخل على نفسها وعليهم

اسال الله تعالى بمنه وكرمه وجوده ورحمته ان يوفقنا ويسعدنا ... وان يلطف بنا وبكل من عانا الوحده

في وحده من الاهل متزوجه فوق 25 سنه مادري كم بالضبط طبعا من تزوجت وادري انهم مايجيبو عيال واثنينهم سلمين ع كلامهم والله اعلم المهم انها مرت السنين وزوجها غني ويحبها وتحبه وكتب لها املاك  وهي عمرها بالاربعينيات ومرضت الزوجه بسحر يقولو خدامتها ساحرتها زوجها حاول يعالجها كم سنه ولا في فايده ماطابت وحالتها بين الحياه والموت وزوجها راح تزوج عليها وهجرها حتى اتصال مايتصل عليها وكان يبيها تكتب له توكيل قبل يتزوج ويتركها وحالتها الان سيئه جدا دعواتكم الله يحنن قلب زوجها ويرجع لها مسكينه
سبحانه الله مهما كان الزوج يحبك مجرد ماتمرضي مستعد يبدلك عشان راحته 
الوحده تبدي رضى ربها قبل كل شيي وراحتهااا
وحتى العيال يمكن تجيبيهم عاقين لكبرتي يرموك بالشارع !!! 

والله سبحانه يعرف الخيره لو انكشف الغطاء كان حمدنا وشكرنا ربنا بس سبحانه الانسان عجول ويبي كل شي والصبرر صعب بس اكيد في شي احسن منه ينتظرنا