اكيد كل ام تبغى تشوف اطفالها من احسن مايكون((موضوع للنقاش))

سلاااام يااحلوااات

بصراااحه حااابه استفيد من تجااربكم من ناحيه تربيه الاطفاال

انا عندي ولد وبنتين الله يحفظهم ويخليهم وتقريبا اعمارهم متقاربه

ولدي عمرة 4 سنين وبنتي عمرها 3 سنين وبنتي اخر العنقود عمرها 3 شهور

المهم انا معااملتي لهم جدااا حسااسه من كتر خوووفي عليهم اخااف عليهم من اي شي

واحس هادا مسوي لهم عدم ثقه يعني انتو بكرامه اذا راحو للحمام وطولو تلاقيني اناديهم واروحلهم

لاني اكتر شي اكرهه الحمام ماحب انهم يلعبو فيه

واذا خرجت مكان عام امسكهم بيدي واحسهم يضاايقو لما يشوفو اطفال بسنهم مااشين لحالهم

بس انا احب اطفاالي ومااحب احد يتكلم عليهم حتى عند اهلي وخلاتي واهل زوجي

بس هما ماينعطو وجه والله يفشلوني لما اكون عند احد يسوو الخبال كله وانا انحرررررج

يقولو عادي هادول اطفال بس انا نفسي يكونو اطفال هادين وليس مشاغبين

بالله عليكي لما تشوفي طفل شقي ايش تاخدي فكرة عنه ولما تشوفي طفل هادي

انا اعرررررف انه الاطفال مختلفين عن بعض بس كيف اخليهم هاادين ويتركو حركااات الشقاااوة اللي

احياانا تحررررجني عند الناس

قريت هنا لوحده موضوع تلوين المربعات والجوائز اخر شي

سويتها لهم وحسيت انهم شويهاستجابوللموضوع

بس انا علتي اني عصبييييييييييه واصااااارخ عليهم والله من خووووفي عليهم

وحتى زوجي متضايق من تعااملي معااهم

والله بين فترة وفترة احضنهم وابوسهم بس لما يعصبوني احس اني انقلب 160 درجه

فيااخوااات اللي عندهاا اسلوب وشي حلو تسدحه لناا عشاان نستفيد

وايوة عندي مشكله معاهم في التلفزيون مايخلوني اتابع المسلسل برواااق

يااكلو اذني وهما ((ماما نبغى نتفرج فلم......يعني فلم كرتون))وهادا غير طيور الجنه وكراميش

اللي صرعونا فيهاا

توي قريت لوحده انها مزعوجه من القناه ونصحوها البنات انها تمسحهاا

عجبتني الفكرة طيب مسحتهاا بعدين كيف اخربهم بالمصيبه انه تمسحت ؟؟؟

ايوة كمان عندي اسلوب احب اعلمهم هو لما نخرج مشوار اقولهم هاه ايش نقول لبابا

نقوله((شكرا)) وعلمتهم يقولو حاضر واحاول معاهم في لو سمحت وانا اسف

ايش فيه كمان اسلوب نعلمهم هو

اتمنى نستفيد من الموضوع