اكيد لو ما تتضايقوا

لاني اح ـــبكمـ ...


اح ــب ان اشاركـــكمـ كل ما يعجبني ...دائما ...<< اكيد لو ما تتضايقوا !!

وهذهـ القصيدة مما اع ــجبني ...

فـ اتمنى ان تنــال اع ــــجابكم ...






صعب لا منك فشلت وصعب لامنك لقيت...
ان من يكره نجاحك يدري انك مانجحت..

أمس ضقت ورحت أقلب ذكرياتي وانتهيت..
عندصورة طفل صوته مثل صوتي لاانجرحت..


وش مثل لاو الله الاهذا أنا يوم ابتديت..
أنطق حروف تلعثم في لساني لاانمدحت..

هذا أنايوم الحياة بنظرتي عشرين بيت..
ومسجدين ومدرسه من طين كم فيها اصطبحت..

هذا أنا وأصبحت أتمتم هذا أنا حتى بغيت..
أختنق بس القدر عيا على موتي وطحت ..


وصاح صوت الطفل فيني انت من وين ارتميت..
قلت أنا المستقبل اللي فيه كم همت وطمحت..

أمس كنت أبيك تكبر بس والله لودريت..
اني اللي عشت لجله مت عندك واسترحت..

لودريت ان الزمان يجر رجلي ماعديت..
ولودريت ان البحور بلا مواني ماسبحت ..


كان دربك لي طويل وكل ماشفتك هويت..
قلت لك كبوة جواد ماكبيت الا وجمحت..

ليه تسمعني وتمشي؟؟!! ..آآآآآه ليتك مامشيت..
وآه ليتك من كثر عثرات الأيام انتصحت..

ضاعت أحلامي وظل الحزن فيني واهتديت..
للطريق اللي يوديني على دمعي ورحت..

يالحزن ليتك مثل دمعي وتنزل لارقيت..
بس أعرفك لو مسحت الدمع تبقى ماانمسحت..

كان حلمي في وجود انسان يبكي لابكيت..
وصارحلمي في وجود انسان يفرح لافرحت..

كنت أشوف الناس مثلي كل ماجعت وضميت..
مادريت ان الأوادم ناس فوق وناس تحت..

آآآآه يااول ذكرياتي خذني بحضنك نسيت..
لسألك عن وجه أبوي اللي معه ياماسرحت..

وخذني بحضنك أبغفى اااه مبطي ماغفيت..
وان لمحت دموع عيني سونفسك مالمحت..

خذني بحضنك وبعثر في جروحي وان قضيت..
هزلي كتفي وقل لي (عيب تبكي لو سمحت)..

اضحك وعلم زماني من أنا ومن وين جيت...
طق باب الحزن واصرخ في لامني فتــــــحــــــت..

وضمني يمك وكمل ضحكتك لامن بكيت..
ودي أذكر كيف كانت ضحكتي لامن فرحت ..