انا عندي مشكلة الحساسيه برجلي اقعد احك دايما ولا ادري مالعمل انا مثلك اخت طيوبه ياليتك تعلميني كيف تخلصتي من المشكله رغم ان الدكتوره اعطتني كريمات تخف وترجع بعد فتره وقالت لي الدكتوره ان الجفافا الشديد هو السبب ولي شهر وانا استخدم فازلين فائدته جدا بطيئه ماهو الحل لا ادري انقهر لمن اشوف رجلي لانها مشوهه
من الحبوب المتجرحه
ارجو المساعده :24:

عمري شمس الحب والله زي ماقلت أنا ماأذكر كريم داومت عليه ولقيت نتيجة الااللهم الكريمات اللي تحتوي على كرتزون وهي خطيييييييييييييييييييييرة جدا لكن اهم شئ ترطيب بشرتك لان جفاف البشرة دمارها وانصحك انك ماتستخدمين الفازلين لانه ماينفع وكمان يخلي الشعر ينمو تحت الجلد بسب الطبقه السميكه اللي يتركها فوق الجلد
استخدمي زبدة الكاكو من بودي شوب تراها زينه للبشرة انا عن نفسي استخدم كريم قديم هو جرجنز ولقت له مفعول والحمدلله


تحياتي: :26: :26: :26:

عزيزتي طيوبه جزاك الله خير على الرد لكن كريم جرجبز هو قديم اي نعم لكن له انواع بعضها بالمسك اي نوع
والي اعرف انها وقتيه يعني من يوم اغسل ينزل الكريم يعني كيف استخدامك في كل وقت انااقصد في بدايت المشكله كيف عالجتيه هل بجرجنز وهل مساء عند النوم فقط ام في كل وقت والفازلين اول مره اعرف انه ماينفع لكن زي ماقلتي ماينفع لانه بطيء جدا في النتيجه والى الان احك رجلي اذا لمسة الحبه او بس مجرد اشوفها اقعد احك الحين صرت احك بيدي وبكف يدي وليس بالاظافر علشان ما اجرحها
وعن بدي شوب دايم اسمع عنها لكن خفت اعتقدت انه داخل فيها معطر والمعطر كلش تقول الدكتوره لازم تمتنعي عنه لكن بما انك مثل حالتي وجربتيه ونفع بشتريه
لكن السؤال الان ايهم لاحظتي نتيجته وايهم استخدمتيه اول شيء وبعدين حسية بالنتيجه وكم سعر الي في بدي شوب وكيف طرقتك في معالجتك لرجلك وانا ترى على فكره ما جتني المشكله الا بسبب استخدامي للموس وتطيب رجلي وارجع استخدم الموس ماتبت لكن الحين خلاص بطلت من الموس لكن هل تشلين رجلك بالموس ولا الحلاوه
لاني اخاف اشيل بالموس ترجع المشكله اخاف اشيل بالحلاوه تتجرح المنطقه كثر ماهي مجرحه من النتف بقوه

الله يجزاك خير لااطولين علي بالرد والله يعيني على مشكلتي :26:

ياااااااااااااااااااااااااااااااااااااااااه أختي شمس الحب دوختين من كثر اسئلتك ماأدري أجاوب على ايش واخلي اش:23: :23: :23: :23:

كريم جرجنز الخاص بالشعر الغير مرغوب فيه وهويرطب كمان قبل لانام ادهن فيه او اذارحت للجامعه والحمدلله تخلصت من الجفاف اللي يجيني وبالذات في الشتاء الله لايوريك يدي كلها قشور بيضاء والحين الحمدلله لاقشور بيضاء ولاسواد وانا قريب استخدمته حوالي شهر وشوي اما زبدة الكاكو انا مااستخدمتها لكن يمدحون فيها وعلى راسهم اختي ماشاء الله بشرتها ناعمه منها ومااظن فيه مواد عطريه.

وبعدين تعالي هنا :mad: :mad: انت صاحيه ولامنهبله تستخدمين الموس عشان كذا طايره فيك الحكه تراها دماااااااااار البشرة شيلي بالحلاوة انظف واحسن وانا كنت اشيل فيها لكن هالايام صرت مطورة:55: اسوي جلسات بالليزر بسبت كريمات الكرتزون .

والحين امسح رجولي بالاسكينول عشان تصفيها ان شاء الله بعد ماتدمرت واحيانا ادهن زيت زيتزن واحيانا حبه سوداء

يعني خبصت في رجولي خبص ماصار لين الله شفاني مع العلم احيانا تظهرلي زي الحبوب وتحررررررررق فاجيب ثلجه واحط عليه وان شاء الله تروح اللسعات .


ومازلت الى يومك هذا وانا في معارك ضد اعداء البشرة :37:


تحياتي لك::24: :24: لاتنسين دعاء الله قبل اي علاج

شوفوا حبايبي انا قريبتي كان عندها حساسيه ذابحتها وراحت عند الدكتوره السودانيه اللي في سليمان الحبيب واعطتها علاجات نفعت معها .......وكمان زوجة اخويه كان عندها حساسيه من زمان بس تركت اثار برجليها يعني رجليها كانت مسمره مرررره لكن استخدمت مقشر الجسم من نكتار وكانت تستخدمه باستمرار ومشاء الله فتحت رجليها مره وراح السمار اللي كان فيها وركبها بعد صارت مثل لون جسمها .....جربوه انشاء الله ينفع معاكم وبالشفاء انشاء الله



:26: :24: :26: