الآرق تكفووووون ساعدوني الله يفرج كربكم

يا أخوات أنا سبق وعرضت حالتي بعدة مواضيع ويمكن قرأتوها بس مالقيت اي تفاعل معي ما رديتوا عليا

ياأخوات انا مره متزوجه وعندي اثنين أطفال ولد عمره ست سنوات وبنت عمرها سنه
من يوم كان ولدي عمره سنه تعب عليا تعب شديد وكان عنده إلتهاب وتضخم بالغدد الليمفاويه والدكاتره الله يسامحهم خوفوني وقالوا لي انه يمكن يتحول لسرطان
فتخيلوا الحاله الذي كنت فيها خوف وبكاء وسهر عليه عشان كان على طول مسخن وترتفع درجة حرارته واتنوم في المستشفى وبعد سنه ونص من المرض بفضل الله ومنّه وكرمه ولدي تحسن وصار بخير ولله الحمد
وأنا من هذيك الأيام وأنا أعاني من الآرق الشديد تقريباًخمس سنوات نوع الآرق عندي انه ما شعر بالنعاس حتى لو اضل يومين ثلاث صاحيه ومن ناحيه ثانيه عندي إلتهاب بالمعده وقرحه بالإثنى عشر وإضطرابات بالقولون ومحميه من كل شيء والحمدلله بس المشكله الحين انه انا ولدي صار عمره ست سنين يعني لازم يدخل مدرسه وانا ما بقدر اقوم فيه لانه مثل ماقلت لكم ما اقدر ادخل بالنوم وإذا نمت مثلاً ماعاد اقدر اصحى احس حالي وكأني ممنجه يعني لو نمت الساعه(12)ما عد اقدر اصحى بالخالص إلى ان يشاء الله فهمتوني والله حاسه ماني فاهمه حالي
المهم الحين قلبي يتقطع لأنه زوجي قرر انه يأخذ ولدي ويعطيه ل أمي في جده عشان هي تهتم فيه انااعرف انه امي ما رح تقصر مع ولدي بس تعرفون قلب الأم .
والله على قد ما أنا تعبانه على قد ما أنا حزينه على ولدي😭😭😭😭
أنا حكيت لكم قصتي وأنتم اتمنى للذي عندها تجربه او مرت بنفس حالتي من الآرق تفيدني
مع العلم انه انا سبق ورحت لدكتور نفسي وعطاني ميرزجن بالبدايه ارتحت عليه بس بعد كذا اتعودت عليه وصار ما يأثر فيني بعدين وقفته ورحت عند دكتور ثاني في الأردن ووصف لي دواء( إكتئاب ودنكسيت) بس والله تعبت ادمنت عليهم صارت ما أنام الا فيهم .
وانعدمت ثقتي بالدكاتره..
الله يفرج همها وكربها الي بترد عليا.
ساعدووني عشان ولدي الله يفرج كربكم