الآلآم الجماع ممكن يكون سبب غير مباشر لتأخر الحمل قصة صديقتي

السلام عليكم ورحمة الله وبركاته
بنات حبيت افيدكم عن صديقة لي
يمكن وحده فيكم مثل حالتها وتستفيد
هي دائما كانت تشتكي من ااالام الجماع
الالام قوية
تقول انها كانت تقول لزوجها اثناء العملية انه يصطدم بشي ويألمها موت
تقول ماتقدر لدرجه انها تبكي
وبعض المرات ينزل عليها دم
واستمرت على هالحال سنه وشوي
راحت لدكتورة بمستشفى وانتوا تعرفون مواعيد المستشفيات الحكومية
حتى هنا بالغربة مواعيدهم بالموت
المهم قالوا لها بعد شهرين تعالي وراحت وسوت لها فحوصات واشعة وقالت لها انه فية بالرحم زوائد لحمية من الجهتين
هي اللي تسبب لك هالالام وتسبب النزيف
لازم نشيلهم ولا بياثر على الحمل مستقبلا
قالت لها اوكي
عطتها موعد بعد ست شهور عشان تسوي لها عملية منظار وتشيلها
مرت الست شهور بصعوبة وقالت لها لازم نعيد الاشعة عشان نباشر باجراءات العملية
سوت الاشعه لها وقالت لها انا اشوف فية جهه فيها الزوائد اللحمية اكثر
والجهه الثانية خفيفة مرة يعني مايحتاج نشيلها
سوت لها العملية وشالت الزوائد وبعد العملية يمكن بشهرين عاودت الالام لها لكن اخف لكن مؤلمة
راحت للدكتورة وقالت لها
قالت الدكتورة تحتاجين عملية ثانية عشان نشيلها لك
قالت لها اشلون انتي قلتي ماتاثر و...و...و..
قالت لها راح نأجل العملية الان وراح اتابع معك التوبيوض عشان ان شاء الله يحصل الحمل
صديقتي ماكنوا مخططين انها تحمل لانها بغربة ويدرسون على حسابهم
بس لما قالت لها الدكتورة انه بعدين ممكن يتاخر عندها الحمل غيرت رايها وقالت مالنا الا الله
خذت خيرة وطلعت الحمد الله زينه
المهم عطتها مواعيد التبويض والايام اللي لازم يكون فيها جماع وصوتها ببعض التوصيات
وقالت لها قبل الدورة بأربعه ايام اشتري تحليل منزلي وشوفي
هنا عندهم التحاليل المنزلية يبان الحمل قبل الدورة باربعه ايام
وفعلا قبل الدورة باربعه ايام لا إله الا الله
طلع انها حامل لكن ماراحت للدكتورة الا لما جا موعد الدورة ولا جات .
قالت لها مبروك حامل
والحمد الله
ان شاء الله يارب تستفيدون