الأجسام الطارده للحمل فيدوني

يا جماعه الله يرضي عليكو لو في واحده تعرف ازاي بعالج الأجسام المضاده للحمل بالاعشاب او غيرها تقولي
عملت عمليه حقن مجهري ومحصلش نصيب وقدر الله وماشاء فعل وبعدها اكتشفت اني عندي كيس دموي علي المبيض وعملت عمليه لاستئصال الكيس والحمد الله
انا بجد نفسي اكون حامل زي الأمهات نفسي يكون عندي طفل حتي طفل واحد الحمد لله
قالولي انك عندك قناه فالوب مسدوده وعندك أجسام مضاده للحمل يعني خلايا طارده
فمحدش يعرف اعشاب معينه
انا اخدت ادويه كتييير لدرجه اني كنت باخد علاج رزاعه الأعضاء زي الكلي والكبد عشان تعالج الأجسام المضاده ،غير الاشعه اللي بالصبغه كذا مره
ياريت اللي عارف يقولي واللي مش عارف يدعيلي بظهر الغيب انا اسمي (ايه)
انا بجد حاسه ان في نار عماله تآكل في جسمي من كتر التفكير والأدوية انا مش عارفه اعمل ايه الحمد لله
شكرا