انا شلت عنهم الايباد لانهم صاروا من يمسكونها ما يهدونها الا اذا هددتهم اني اصادرها بشكل كلي ...!
حددت لهم ايام الويكند الخميس والجمعه والسبت يلعبون في الايبادات بعد الغدا لأذان العصر وبعدين يهدونهم ويكملون لعب فالحوش او اوديهم الحديقه او يرسمون او يذاكرون لو ما خلصوا مذاكره الصبح ..

وايام الدراسه ممنوع يشيلون الايباد ابدا ويخلونه في غرفتي ع الطاوله ولا واحد فيهم يلمسه و الحمدالله اقتنعوا بهالشي ..
وحاليا علشان افرغ طاقتهم خذت لهم نطاطيه فالبيت وبتوصل هالايام ان شاء الله واكيد بيتسلون فيها وبيلتهون اكثر و ابوهم سوالهم أقفاص طيور وصاروا يهتمون فيهم يسوولهم أكل و ماي ويلعبون معهم ومنها يتعلمون كيف يحنوون على الحيوانات ومنها يقضون وقتهم في شي مفيد .. و ناويه آخذ لهم دراجات باذن الله .. وطبعا الصلصال عشق بنتي و الالعاب الثانيه التعليميه بعد حلوه لهم وتسليهم وتنسيهم الايباد ...


للعلم في شي اسمه قيود في الايباد .. لااااااااازم تسوونها .. وتحظرون خاصيه الحذف بحيث ما يقدرون يحذفون شي بدون ما يرجعون لكم .. و حددوا العمر المسموح للفيديوهات علشان ما يطلع لهم شي فاضح ...
ولا تخلون لهم الستور مفتوح انتوا اللي نزلوا الالعاب ولا تعطونهم الباسوورد وممكن كمكافأه تنزلون لهم ألعاب جديده .. و طبعا تنويع الالعاب ضروروي علشان ما يطفشون يعني بعضها تعليمي وبعضها تسليه فالنهايه هم اطفال ويبون يتسلون .. ولا تسمحون لهم باضافه اصدقاء غريبين ترى في ناس ألفاظهم وسخه ومحد يضمن الغرباء وأفكارهم ..
الله يصلحهم ويحفظهم يا رب

ماشاء الله موضوع ممتاز ومفيد
بارك الله فيك

وشكرآ للأخوات على مشاركاتهم



لا إله إلا الله

موضوع مهم جدا

صحيح لكن الاجهوة الاللكترونية اذا تم استخدامها بطريقة صحيحة ممكن تكون مفيدة, على سبيل المثال في العاب الكترونية للأطفال تساعد على التركيز وتنمي في الطفل روح الإنجاز و التحدي وهي الشي مثبت علميا,, في موقع مثلا فيه ألعاب بسيطة للأطفال مثل هالموقع http://www.pickyeatersarabia.com/picky-eaters-games/

فعلا. كلامك سليم