هو صحيح كلنا خطاؤون وخير الخطائين عند الله التوابون لكن هذه أرواح بشر ماينخطأ فيها ابدا ولا يغتفر فاعلها لازم الحذر بشده من هالامور أبوي يقول زمان حصلت مع واحد من أصحابه راح مستشفى واحتاج دم وبالغلط اعطوه دم واحد مصاب بالأيدز وتضرر الرجال والله يشفيه وتولى أمره

من كثر الأخطاء الطبيه أصبحت أخاف خصوصا وقت الولاده والإحتياج للدم ففتح لي ربي هذا الدعاء أقول دعاء المنزل وقت نزولي المستشفى وهو أعوذ بكلمات الله التامات من شر ما خلق ثلاث مرات من قال هذا الدعاء لايمسه شي حتى يرحل عن منزله ذلك

اشوف مهنة الطب من اصعب المهن واخطرها..
الاعراض تتشابه بس الامراض مختلفه.. احيان يكون عند الانسان اعراض وذي الاعراض هي نفسها لكذا مرض فيخطىء الطبيب بالتشخيص..
مثلاً واحد كان مصاب بالإيدز وبداية مرضه تجيه سخونه وهدة حيل ويروح المستشفى يقولوا له التهاب بالحلق ويعطوه مضادات ومسكنات ووزنه نزززل صار كأنه طفل جلس سنوات كذا بالاخير اكتشف هالمرض بالصدفه نسأل الله له الشفاء..
ابوي جلس سنين تجيه حاله بين فتره وفتره غثيان واستفراغ وانتم بكرامه والم فضيع بالبطن ويشخصوه على انه نزله معويه تعب تعب سنوات من هالمرض لدرجة توقع ببطنه مررررض في الاخير اكتشفوا انها المراره وسوا العمليه والحمدلله ارتاح..والحمدلله ربي حفظه لا تنفجر ببطنه..
طفله اعرفها حست بتعب وخمووول و شوية ارتفاع بدرجة حرارتها امها ودتها المستشفى عند دكتور ممتاااااااز شاف حلقها قال عندها احتقان بس لازم اسوي لها تحليل وتطلع نتيجة تحليلها لوكيميا بالدم ولما حولوها لمستشفى علاج السرطان استغربوا قالوا توها بأول المرض احمدوا الله انكم طحتوا بطبيب ممتاز ويخاف الله واكتشفتوا المرض بأول مراحله بالعاده كل اللي يشتكوا من احتقان بالحلق وارتفاع بدرجة الحراره نعطيهم مضاد ومسكن وانتهى الامر مانفكر نسوي لهم تحليل ابد..
وحده من صاحباتي بعد الولاده نسيوا فيها قطعة شاش وعفنت داخلها وفي نهاية الاربعين بغت تموت من الالم ولما راجعت اكتشفت الشاش🙈
وأخيرا وحده دخلت المستشفى برجولها طيبه على اساس عملية مراره وبعد العمليه دخلوها العنايه المركزه على طول وش صار العلم عندالله.. أسأل الله العظيم رب العرش العظيم ان يشفي مرضانا ومرضى المسلمين
اللهم نسألك العفو والعافيه في الدنيا والآخره.. اللهم اني اعوذ بك من زوال نعمتك وتحول عافيتك وفجأة نقمتك وجميع سخطك..

والله ي اخت مرجانه قبل ست شهور قفلوااا مجمع طبي للأسنان .. كل الي فيه من أطباء وممرضين شهادات مزوره ..
وطبعآ مش سعوديين كلهم أجانب ..
وهذا الشي السعوديه تعاني منه يدخل واحد بمهنة طب ويمارس الطب ويشخص حالات ويصرف ادويه وبالأخير يطلع مزور شهادته ..

تحززن القصص .. الحمدلله على سلامة امك ريم
والله يرحم أبوك ياأم هند وجميع موتى المسلمين


مرجانه موضوعك نزل دموووعي وقلب مشاعري .. الحمدلله على نعمة العافيه والله يمتعنا بها ولايحوجنا للأطباء💔