الأخوات المتزوجات من 3 سنوات وأكثر تعالوا نفيدأخواتنا إلا بأول سنة زواج والعرايس

صباح الخير
بعد سنتين من زواجي صرنا متفاهمين لن الفتكير عنده غير وانا غير لن الفرق السن مواقف كثير حاصله والحمدالله يااارب على كل حال

اول سنه زواج شي طبيعي فيه اختلافات قويه والبنت اللي ماعندها صبر ولا قوة تحمل ماتقدر تعديها بس اللي تبي تعيش بالذات اللي تحمل من بداية زواجها تحاول تلقى مفاتيح لزوجها وتعرف عنه كل شي وتصير هي تماشيه مااشوفه غباء بالعكس الحرمه اللي تمشي مع زوجه زي ماهو يبي غصب عنه تصير هي الملكه بدون مايحس وتسوي كل اللي خاطرها فيه
يعني في بداية زواجي ماكان بينا فرق بالسن وهذي مصيبه والمصيبه الاكبر ان زوجي اصغر اخوانه وخواته يعني اخر العنقود وانا بالعكس اكبر اخواني وشخصيتي قياديه فالبدايه كانت ازمه كنت احس زوجي مو قد المسؤليه وانا افهم منه في اشياء كثيره وماكان حريص على الصلاه وكان هذا اكبر همومي كنت ابكي كل يوم واحس انه يقول عني نكديه مرات يعرف انه السبب الصلاه ومرات لا مايدري وش له ابكي والله كنت ادعي من كل قلبي واستخير في اني اتركه مع اني حبيته وتعلقت فيه وحملت بسرعه ومره استشير ومااقطع الدعاء واللهم لك الحمد والشكر بعد تقريبا اقل من سنه صار يحس بضيقه ويزهق من حاله ويحافظ على الصلاه وبعدين صار يصلي الفجر فالمسجد اقسم بالله كنت اتمنى اني اطلع استقبله بالشارع اذا رجع من الصلاه اللهم لك الحمد والشكر الله يتتم عليه يارب
بصراحه صعب تغيرين الرجل بس الاسهل انك انتي تتماشي معه وبيصير لك كل اللي تبين واهم شي الصبر وكثرة الدعاء وحطي براسك انك تزوجتيه وعمره فوق العشرين مستحيل هالسنوات كلها بتغيرينها في سنه او سنتين
زبدة الكلام وعن تجربه لاتستهينون فيها يابنات اهم شي الصبر
وبعدين حاولي تحلين امورك بالصمت
الصمت ثم الصمت والله انك تكبرين بعين زوجك ويعمل لك حساب انتبهي تلاسنين او تطولين لسان ماراح تستفيدين ولا شي
كنت بس اتهاوش مع زوجي ولما قرات كتاب الله يجزى صاحبته كل خير عرفت ان الرجل يحب المراه اللي في وقت الغضب تسكت ويتعب في انه يعرف سر الغموض وش تفكر فيه
فعلا لقيت زوجي صار معي واحد ثاني اقعد ساكته قبل كان يعصب ويقول شككلام مو عاجبك او منتي شايفتني شي ليه ماتردين وبعد اسكت ومرات اقوله ماعندي رد الحين
بس لما تعود صار لما اتكلم بيموت علشان يعرف وش افكر فيه وليه كنت ساكته حتى انا صرت اركز اكثر ومااقط كلام يجرح وانا انجرح اكثر منه مرات احسه مادرى عني
اسفه على الاطاله بس من ناحية اهل الزوج
بالنسبه لي من ايام الملكه عرفت ان زوجي متعلق بامه وخواته كثير وحسبت حساب للغيره بينا وحسبت اكثر حساب اني اكسب زوجي واستعنت على الشقا بالله
واللهم لك الحمد من البدايه ضبطت علاقتي مع اهله وصار لي مكان بينهم بدون مااحد يدخل بخصوصياتي اذا تكلموا عن زوجك اسكتي لاتزيدينهم ولا تردينهم حتى لو كنتي مقهوره منه انتبهي هذولا اهله
واذا زوجك يتكلم عن اهله استمعي بصمت مو تفرحين وماتصدقين عليهم ترى بيقلب عليك اسكتي واسمعيه وبعدين قولي هذولا اهلك ومالك بد منهم الله يخليك لهم ويخليهم لك
وترى بالعكس انت الغالي عندهم انا اشوف كذا كلهم يعزونك وخلي فرحتك بداخلك واذا بغيتي تتقعين من الفرحه استاذني وتشققي برا وارجعي خليك ذربه شوي هههههههههههههه
وسلامتكم
الله يعطيك العافيه ياصاحبة الموضوع خلو الزوجات الجدد يستفيدون منا لو القليل مو كل القسم طقني واطقك
واحبكم كلكم فالله

امم لي 5 شهور وشوية متزوجة مافي بيت تخلوا من الخلافات ,.. بس حلو إنكـ تستقبلي زوجك بإبتسآآمة دآآآآآآآيماا وحلوو لمن تكونني دآآيما مستعدة لأي شي يطلبه والله تكككبري في عينه بقوة كمان يعني ذا جا من دوآآمه يلاقيكي انتهيتي من تجهيز الغداا ومرتبة نفسك وبيتك والاحلى كمان لمن تجهزي له هدوومه وتعطري البيت وتبخريه ..

امم كل نهاية اسبوع اسبوعين ذا حسيتي بملل قولي له ممكن نطلع نغير جو عشان احس بممل .. >>> خليكي بريييييييييييييييييييييييييئة بريييئة بقووة والله نتآآآئج شي

لا ترفعي صووتك

لا تجرحي

لاتطنشي

شبعييييه حب X حب X حب
غرقيه دلـِع :26:

كووني له لووحده قوولي له انتي حقي وانا حقك ووبس ...

وفي غرفة نومك خليكي شي تااني >>انتي ادرى بهالشي اقصد خلي الحيا على جمب

وانتوا عالسفرة دلعيه .. وقبل لاينام نشدي له بصوتك حتى لو مو حلوو

احكي له كل اللي في نفسك دآآيما لاتبخلي عليه وقوولي له ترى كل شي احب اقووله لكـ

وقبل ذاا كله يآقلبي لاتنسي تعينيه عالخير .. يعني الصبآح وهو طآلع : قولي له : لاتنسى الاذكـِآر يآقلبي ومن ذا القبيل :)

ربي يووفقنـِي والجمييع ياارب ..

وتسلمي عالموضوع الجيد ..

ياريت مشاركات بعد انا بعد توني لي 6 شهور ومحتاجه نصايحكم وخبرتكم الله يسعدكم يارب

أنا وزجي بينا أكثر من 5 سنوات فرق بالسن
طبعاً في بداية زواجي أنا بنوته صغيرة ماكنت فاهمه الحياة صح
كنت أحبه حب جنوني وأخاف منه كثير لما يعصب
لإن كان كل مايعصب هذا طبعه من هو صغير حتى أمه كانت تحكي أكثر من موقف يكسر أي شيء قدامه:44:
أنا كنت أتفاجاء من تصرفه في البدايه وكنت على طول أبكي وأخاف لا يضربني وأروح الغرفة وأتركه لوحدة بالصاله.
كان يطلع كثيرررررر مع أصحابه وأنا أجلس بين 4 جداران بروحي.
كنت أخاف أطلب منه المصروف لإن كان بخيل شوي وكانت أمه شريره بصراحة تفتري علي كلام مو صحيح وأخواته ماكانوا يقصروا وهو ما كان يرضى أفتح فمي بشيء عن أهله .قلت في نفسي لازم أغيره.
وفي أمور كثيرررررة واجهتها في حياتي بس ما أتذكر كل شيء لإن خلاص ما أريد أسترجع الذكريات المؤلمه.
كنت أقوم قيام الليل كل يوم وأتقرب لربي لإن محد راح يقدر يساعدني غير ربي.
ثانياً الصبر يابنات مفتاح الفرج.
والله كان يتفاجأ ويخاف يوم يشوفني فوق السجادة بنصف الليل وكان يجلس ينتظرني
ويسألني أيش فيك أيش إلا مصحيك؟
لإن كنت أبكي وأشتكي لرب.
لحد ما صار يوم وأختلفنا لإن أكتشفت إنه على علاقة مع وحدة
وواجهته من غير خوف وكالعادة صار يرمي النقال على الأرض ويضرب يده على الجدار
وأنا ما خفت جلست أضحك وأضحك بصوت عالي ....هو خاف سألني أيش فيك تضحكي وأنا معصب
خبرته شكلك يضحك وأنت تعمل هالحركات وهههههه ما قادرة أتنفس
جلس يهددني بيرجعني بيت أهلي ويشتكي علي عند أبوي خبرته تمام وأنا راح أخبر أهلك إنك تخوني مع وحدة ثانيه.
قلت أنا مش بنت صغيرة علشان تهددني وأنا حلوة ومانقصني شيء وإذا أنت ماتريدني غيرك يريدني.

تعرفوا هالكلمات أثرت فيه ومن يوميها ما شفت أبداً يعصب قدامي ووقف يكسر الأشياء حتى قدامي.

وأنا داومت على الإستغفار والأدعيه وقيام الليل.وكنت أصحيه على صلاة الفجر
لحد ما صار حمل عندي وأنجبت بنتي بعد 4 سنوات زواج :icon28:
هنا حياتي تغيرت بالفعل إلى الأحسن والأفضل.
كنت أخبره خاف ربك عندك بنت خليك بعيد عن بنات الناس مولعبه.
مثل ما أنت ماترضى لبنتك فلا ترضاه لي أنا.
أهلي ربوني وكانوا يتمنوا يشوفوني سعيدة في حياتي بس أنت ولا عندك خبر عايش حياتك.

بدأ يتغير ويخاف ربه ليش؟؟لإن كنت دائماً أعطيه كلمات مثل هذه.
وخبره على أخواتك ما ترضى بس على بنات الناس ترضى ؟؟؟وليش نحن مو بنات يعني.
فكان يستحي ويسكت ويرجع ويعتذر والحمدلله الحين تغيرت حالته أحسن بكثيرررررر من بداية زواجي.

يا أخواتي لا تتوقعي الرجال يتغير في يوم وليله حاولي معاه بذكائك.
أتمنى من الأخوات الإستفادة.
والله يوفق كل زوجين يارب.